Ishyirahamwe ry’Umupira w’Amaguru ku Isi, FIFA ryahagaritse ikipe ya Al Nassr yo muri Arabie Saoudite kugura abakinnyi kubera umwenda ibereyemo Leicester City yo mu Bwongereza.
Iyi kipe yafatiwe ibihano byo kumara amasoko atatu y’igura n’igurisha itandikisha abakinnyi nyuma yo kutishyura £390,000 Leicester City ubwo yaguraga rutahizamu w’Umunya-Nigeria Ahmed Moussa mu 2018.
Mu gihe iyi kipe yaba inaniwe kwishyura yazajyanwa muri komite ishinzwe imyitwarire ya FIFA. Ubuyobozi bwa Al Nassr buvuga (...)

Sponsored Ad

Ishyirahamwe ry’Umupira w’Amaguru ku Isi, FIFA ryahagaritse ikipe ya Al Nassr yo muri Arabie Saoudite kugura abakinnyi kubera umwenda ibereyemo Leicester City yo mu Bwongereza.

Iyi kipe yafatiwe ibihano byo kumara amasoko atatu y’igura n’igurisha itandikisha abakinnyi nyuma yo kutishyura £390,000 Leicester City ubwo yaguraga rutahizamu w’Umunya-Nigeria Ahmed Moussa mu 2018.

Mu gihe iyi kipe yaba inaniwe kwishyura yazajyanwa muri komite ishinzwe imyitwarire ya FIFA. Ubuyobozi bwa Al Nassr buvuga ko iki kibazo kitazagera kuri iyo ntera kuko cyanabaye igihe sosiyete ya ‘Public Investment Fund’ yari itaragura iyi kipe.

Ibi bihano kandi bije mu gihe Arabie Saoudite yatangiye umuvuno wo kwibikaho abakinnyi b’amazina akomeye baturutse i Burayi.

By’umwihariko Al Nassr yari mu biganiro na Chelsea byo kureba ko Umunya-Maroc Hakim Ziyech yayerekezamo nyuma ya Marcelo Brozović yakuye muri Inter de Milan mu Butaliyani.

Muri rusange iyi shampiyona imaze kwibikaho abakinnyi b’amazina akomeye nka Karim Benzema na N’Golo Kanté berekeje muri Al-Ittihad, hari kandi Kalidou Koulibaly na Ruben Neves bagiye muri Al Hilal.

Pierre Emerick Aubameyang na Sergej Milinković-Savić ukinira Lazio de Rome nabo bashobora kwerekeza muri iki gihugu.