Ba rutahizamu bakomeye barimo Erling Haaland, Kylian Mbappe na Lionel Messi nibo batoranyijwe kuzavamo umukinnyi wahize abandi ku isi mu bihembo bya FIFA [The Best FIFA Men’s Player Award 2023].

Sponsored Ad

Iki gihembo kigenewe abakinnyi bitwaye neza mu mupira w’amaguru mu bagabo kuva ku ya 19 Ukuboza 2022 kugeza ku ya 20 Kanama 2023.

Uzatsindira iki gihembo cyiza azamenyekana mu birori bizabera i London ku ya 15 Mutarama 2024.

Abakinnyi 12 nibo babanje gutoranwa kugira ngo bazakurwemo uhabwa iki gihembo cyumukinnyi witwaye neza ku isi wa FIFA, bakaba baratoranijwe n’itsinda ryinzobere.

Kuri uru rutonde, abatsinze batatu batoranijwe n’inzobere mpuzamahanga mu mupira zirimo: abatoza b’amakipe y’ibihugu y’abagabo ku isi, abakapiteni b’amakipe y’ibihugu y’abagabo, abanyamakuru b’umupira w’amaguru, ndetse n’abafana batoye ku rubuga rwemewe rwa FIFA.

Haaland yatwaye UEFA Champions League, Premier League na FA Cup mu mwaka w’imikino ushize ndetse niwe uri hejuru mu mibare ugereranyije n’aba bahanganye.

Mu mikino 33 yakinnye muri iki gihe cyavuzwe,yatsinze ibitego 28 ahiga abandi gutsinda ibitego muri Premier League,mu gushaka itike ya Euro,aba umukinnyi w’umwaka mu Bwongereza yaba mu bato n’abakuru.

Mbappe we yafashije PSG kwegukana igikombe cya shampiyona ku nshuro ya munani,anatsinda ibitego 17 mu mikino 20.

Messi we yatwaye igikombe cy’isi na Argentina,atwara igikombe cya Ligue 1,anuzuza ibitego 100 mu ikipe ya Argentina.

Mu bagore:

Aitana Bonmatí
Linda Caicedo
Jenni Hermoso