Ikipe ya Gasogi yatangaje ko yamaze kugura rutahizamu "Intare y’Akanwa Rwabwiga" ariwe Iddy Museremu ukomoka mu gihugu cy’u Burundi wanatsinze ibitego byinshi umwaka ushize muri shampiyona y’iki gihugu.

Sponsored Ad

Ibinyujije ku rubuga rwayo rwa Twitter, Gasogi United yagize bati: “Ohhhhhhhh Intare y’Akanwa Rwabwiga yamenyekanye !!!! Iddy museremu uyoboye abatsinze ibitego byinshi kurusha abandi muri shampiyona y’U Burundi inshuro nyinshi”.

Uyu mukinnyi yakiniraga ikipe ya Messager Ngozi y’iwabo,yahisemo kuyivamo yerekeza muri Gasogi United ya Kakoza Nkuriza Charles.

Iyi kipe nayo ibicishije ku rubuga rwayo rwa Facebook na yo yatangaje ko batandukanye n’uyu rutahizamu baherukaga kongera amasezerano banamwifuriza amahirwe mu ikipe ye nshya.

Yagize bati: “Byarangiye, rutahizamu wa Messager Ngozi wanatsinze ibitego byinshi muri shampiyona kuri uyu wa gatanu yasinyiye ikipe ya Gasogi United mu Rwanda. Messager imwifurije amahirwe masa”.

Uyu mukinnyi akaba aje yiyongera ku bandi Gasogi United yasinyishije barimo Iradukunda Bertrand bakuye muri Mukura VS, myugariro Herve Beya Beya bakuye muri As Maniema, Mpazimpaka Andre wavuye muri Rayon Sports, Sadi bakuye muri Espoir na Nzitonda Eric wavuye muri Gicumbi FC.