Ishyirahamwe ry’umupira w’amaguru muri Ghana ryatangaje ko Chris Hughton yakuwe ku mirimo ye nk’umutoza mukuru w’ikipe nkuru nyuma yo gusebera mu mikino ya AFCON 2023.

Sponsored Ad

Ghana yasezerewe rugikubita mu itsinda B yarimo hamwe na Misiri,Cape Verde na Mozambike.

Ghana yavuye mu iri tsinda idatsinze na rimwe gusa ibona amanota 2 gusa yakuye kuri Misiri na Mozambike nyamara izi kipe zose zayishyuye mu buryo budasobanutse.

GFA yatangaje ko yafashe icyemezo cyo gusesa ikipe tekinike yose ya Black Stars n’ukuvuga abatoza bose.

Ishyirahamwe ry’umupira w’amaguru muri Ghana mu minsi iri imbere rizatanga icyerekezo gishya cya Black Stars.

Iyi ni inshuro ya kabiri yikurikiranya ikipe ya Ghana yasezerewe mu gikombe cya Afurika itarenze amatsinda.

Ikindi gihugu cyirukanye umutoza ni Gambia yatandukanye n’Umubiligi Saintfiet nyuma y’uko nacyo kinaniwe kurenga amatsinda nubwo bari bagerageje guha akazi Cameroon ikabatsinda ibitego 3-2.

Undi mutoza byitezwe ko yirukanwa ni Djamal Belmardi wa Algeria,wayifashije kwegukana igikombe cya Afurika cya 2 muri 2019 nyuma y’imyaka 29 itazi uko gisa.

Uyu amaze iminsi atamerewe neza kandi ngo yaraye asezeye ku bakinnyi,batamubaniye muri iki gikombe cya Afurika aho yabaye uwa nyuma mu itsinda n’amanota 2.