addresiya
Kigali
startimes

Granit Xhaka yavuze impamvu 3 zibabaje zatumye atuka abafana ba Arsenal abereye kapiteni

Imyidagaduro   Yanditswe na: Dusingizimana Remy 1 November 2019 Yasuwe: 2110

Kapiteni wa Arsenal,Granit Xhaka yandikiye ibaruwa abafana b’iyi kipe abasaba imbabazi ndetse avuga ko yabatutse kubera ukuntu bamwe muribo bamwandikiye bamubwira ko bazamuvuna amaguru,bazica umugore we mu gihe abandi bavuze ko bifuza ko umukobwa we yazarwara kanseri.



Uyu mukinnyi wo hagati uherutse gukora amahano akagaragara ari gutuka abafana ba Arsenal bamuvugirije induru ubwo yasimburwaga ku cyumweru gishize mu mukino ikipe ye yanganyijemo na Crystal Palace ibitego 2-2,yavuze ko ibitutsi yatutswe n’abafana ndetse no kumunenga bikabije aribyo byatumye abasubiza akabatuka ku babyeyi babo.

Yagize ati “Nyuma yo gufata igihe kinini ntekereza ibyabaye ku Cyumweru nyuma ya saa sita,ndifuza kubasobanurira kurusha guhita mbaha igisubizo cyihuse.

Ibyabaye byose ubwo bansimbuzaga byankozeho cyane.Nkunda iyi kipe kandi nyitangira 100 ku ijana yaba mu kibuga no hanze yacyo.

Ibyiyumvo byo kutumvwa n’abafana,ubutumwa bwinshi bwo kuntuka ndi mu kibuga no ku mbuga nkoranyambaga maze igihe nakira mu byumweru n’amezi ashize byarankomerekeje cyane.

Abantu bamwe baravugaga ngo tuzakuvuna amaguru,twice umugore wawe.Turifuza ko umukobwa wawe yarwara kanseri.Byarambabaje cyane bituma mvuga nabi ubwo bansohoraga mu kibuga.

Muri uwo mwanya narirekuye nitwara nabi mu buryo bwasuzuguye itsinda ry’abafana bakunda ikipe yacu,abakinnyi,nanjye bakoresheje imbaraga nyinshi.Ntabwo aribyo nari ngamije ariko ndasaba imbabazi ababitekereje gutyo.

Icyifuzo cyanjye nuko twasubira mu bihe byo kubahana,tukibuka impamvu twakunze uyu mukino bwa mbere.Rekadufatanye gutera imbere mu buryo bwiza.”

Ntabwo biramenyekana niba uyu musuwisi w’imyaka 27 azakomeza kuba kapiteni wa Arsenal kuko bamwe mu bafana bavuze ko uyu mukinnyi atasabye imbabazi ahubwo yababariye inkuru mu gihe abandi bo bamugiriye impuhwe kubera uku kuntu yibasiriwe n’abafana.




Granit Xhaka yandikiye abafana ba Arsenal

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Minisiteri ya Siporo yakomoreye imwe mu mikino ikinwa abantu bategeranye...

Minisiteri ya Siporo yatangaje ko imwe mu mikino ikinwa abantu bategeranye...
5 June 2020 Yasuwe: 562 0

FERWAFA yatumiye abanyamuryango bayo bose mu nama yo kugabana...

Ishyirahamwe ry’umupira w’amaguru mu Rwanda (FERWAFA), ryandikiye...
4 June 2020 Yasuwe: 1378 0

Kiyovu Sports yasinyishije umukinnyi Ngendahimana uri mu beza bakina hagati...

Ikipe ya Kiyovu Sports yamaze kugura umwe mu bakinnyi beza cyane bakina mu...
3 June 2020 Yasuwe: 1610 0

Abakinnyi 5 ba FC Barcelona basanganwe Coronavirus bigirwa ibanga...

Radio ikomeye yo mu mujyi wa Catalonia yitwa RAC1 yemeje ko abakinnyi 5...
2 June 2020 Yasuwe: 2371 0

Rayon Sports yaburiye Kiyovu Sports na Police FC ko zishobora guhomba...

Ikipe ya Rayon Sports yandikiye Kiyovu Sports na Police FC izimenyesha ko...
2 June 2020 Yasuwe: 4762 0

Ronaldo mukuru yatangaje abakinnyi 5 akunda kureba batarimo Cristiano...

Umunya Brazil w’umunyabigwi cyane,Luis Nazario de Lima uzwi nka Ronaldo...
2 June 2020 Yasuwe: 3528 0