skol
Kigali
startimes

Habonetse abantu 22 banduye COVID-19 mu Rwanda hakira abandi 31

Imyidagaduro   Yanditswe na: Dusingizimana Remy 15 September 2020 Yasuwe: 1092

Minisiteri y’Ubuzima yatangaje ko uyu munsi tariki ya 15 Nzeri 2020,mu bipimo 1,687 byafashwe mu Rwanda,habonetse abantu 22 banduye COVID-19 barimo ab’ I Kigali:18 (bapimwe mu bibasiwe kurusha abandi), Rubavu:2, Kirehe:1, Nyabihu:1.Abanduye bose bamaze kuba 4,624.


Uyu munsi kandi hakize abantu bashya 31 bituma umubare w’abamaze gukira iki cyorezo bose uba 2,767, abakirwaye ni 1,835.Abamaze gupfa ni 22.

Ibimenyetso bya Coronavirus birimo inkorora, ibicurane, guhumeka bigoranye n’umuriro. Yandura binyuze mu matembabuzi aturuka mu myanya y’ubuhumekero.

Mu gukomeza kwirinda ikwirakwira rya Coronavirus, abaturarwanda basabwa gukomeza kwitwararika no kubahiriza amabwiriza ya Leta hitabwa cyane cyane ku gukaraba intoki kenshi n’amazi n’isabune no kwambara udupfukamunwa n’amazuru mu gihe umuntu avuye mu rugo cyangwa ahuye n’abantu benshi.

Umwe mu bategetsi b’ikigo cy’Ubushinwa cyo kurwanya no kwirinda ibyorezo (CDC) yavuze ko inkingo ziri gukorwa n’iki gihugu zishobora kuzaba zitunganye ngo zitangire guterwa abantu mu kwezi kwa 11.

Ubushinwa bufite inkingo enye za Covid-19 zigeze mu kiciro cya nyuma cy’igerageza, nk’uko bivugwa n’ibiro ntaramakuru Reuters.

Eshatu muri zo zamaze no guterwa abakozi bo mu nzego z’ibikorwa byihutirwa muri gahunda y’ubutabazi bwihuse yatangijwe mu kwezi kwa karindwi.

Guizhen Wu wo mu kigo CDC yabwiye televiziyo ya leta y’Ubushinwa ejo kuwa mbere ko ikiciro cya nyuma cy’amagerageza kiri kugenda neza ku buryo izo nkingo zizaba zishobora guterwa abantu bose mu kwezi kwa 11 cyangwa ukwa 12 uyu mwaka.

Madamu Wu avuga ko nta ngaruka na ntoya yagize kuva yaterwa urukingo rwari mu kiciro cya mbere cy’igerageza mu kwezi kwa kane, ntiyavuze urukingo yatewe muzo Ubushinwa buri gutunganya.

Ikigo cya leta y’Ubushinwa gikora imiti, Sinopharm, hamwe n’ikigo kibaruye muri Amerika Sinovac Biotech, biri gukora inkingo eshatu zikoreshwa muri gahunda yihutirwa nk’uko Reuters ibivuga.

Mu Bushinwa, urukingo rwa kane rwa Covid-19 ruri gukorwa na CanSino Biologics, mu kwezi kwa gatandatu abategetsi bemeye ko rutangira guterwa abasirikare b’Ubushinwa.

Mu kwezi kwa karindwi, ikigo Sinopharm cyavuze ko urukingo rwacyo ruzaba rutunganye ngo abantu baruhabwe mu mpera z’uyu mwaka, rurangije ikiciro cya gatatu cy’igeragezwa.

Isoko ry’inkingo ku isi riri gutanguranwa kugera ku rukingo rukora neza kandi rwemewe rw’iyi virus imaze kwica abantu barenga 925,000 mu mezi icyenda imaze ibonetse ku isi.

Ubusanzwe inkingo zo kurwanya ibyorezo zifata imyaka ngo zikorwe neza zemezwe zinagezwe ku bantu. Ndetse rimwe ntizibe zitunganye neza.

Ibi bikorwa byihuse bidasanzwe byo kubona urukingo rwa Covid-19 byateye bamwe impungenge ku ngaruka zo gukorwa huti huti.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Nta mukinnyi utakwifuza gukinira APR FC itwara ibikombe-Tuyienge...

Rutahizamu mushya w’ikipe ya APR FC Tuyisenge Jacques yatangaje ko aje muri...
18 September 2020 Yasuwe: 199 0

Minisiteri ya siporo yavuze aho ikibazo cya Rayon Sports kigeze n’igihe...

Minisitiri wa Siporo,Munyangaju Aurore Mimosa, yatangaje ko imyitozo...
18 September 2020 Yasuwe: 1776 0

Tuyisenge Jacques yerekanwe ku mugaragaro nk’umukinnyi mushya wa APR FC...

Ikipe ya APR FC yatangaje ku mugaragaro ko yamaze gusinyisha rutahizamu...
18 September 2020 Yasuwe: 932 0

Quique Setien wahoze atoza FC Barcelona agiye kuyijyana mu nkiko

Uwari umutoza wa FC Barcelona mu mwaka w’imikino ushize, Quique Setien...
18 September 2020 Yasuwe: 513 0

Messi na Cristiano Ronaldo bananiwe kwinjira mu rutonde rw’abakinnyi

Ba kizigenza Lionel Messi na Cristiano Ronaldo ku nshuro ya mbere mu myaka...
17 September 2020 Yasuwe: 2546 0

Ifoto ya Lionel Messi ari kwihanagurira inkweto yaciye ibintu

Kizigenza Lionel Messi uherutse gufata umwanzuro wo kuguma muri FC...
17 September 2020 Yasuwe: 3601 0