Nk’uko amakuru abitangaza, kapiteni w’Ubwongereza, Harry Kane, ntarabona inzu nshya yo kubamo kuva yagurwa miliyoni 100 z’ama pound yerekeza muri Bayern Munich.

Sponsored Ad

Kuri uyu wa gatandatu, uyu rutahizamu w’imyaka 30, yatsinze ibitego 3 mu mukino umwe [Hat-trick] ku nshuro ya gatatu muri Bundesliga ubwo Bayern yatsindaga mukeba wayo Borussia Dortmund ibitego 4-0 ku wa gatandatu.

Uyu mukinnyi aba mu cyumba yishyura ama pound 10,000 buri joro muri Vier Jahreszeiten Kempinski Hotel kuva muri Kanama.

Bivuga ko muri rusange, Kane we n’abagize umuryango we ndetse n’abantu hafi ye bamaze gukoresha arenga miliyoni y’amapawundi ku ikode gusa.

Uyu mukinnyi wahoze akinira ikipe ya Tottenham, ubu ahembwa umushahara ungana na’ibihumbi 415.000 by’amapawundi buri cyumweru, akomeje gukorera amateka i Munich,aho amaze gutsinda ibitego 15 n’imipira yavuyemo ibitego eshanu mu mikino 10 yakinnye muri iyi kipe.

Ku cyumweru, umwe mu bantu ba hafi ba Kane yabwiye The Sun ati: ’Harry Kane ni umugabo ukunda umuryango we bityo kubona aho abana n’umugore we ndetse n’abana bigomba gushyirwa imbere.

Kane n’umugore we Kate Goodland, bahuriye mu mashuri abanza, mbere babaga mu nzu ya miliyoni 17 z’ama pound mu majyaruguru ya London hamwe n’abana babo bane.

Mbere y’uko yinjira muri Bayern muri Kanama, Kane yiteguraga kwimukira mu nyubako nziza i Grunwald, umwe mu mijyi ikize cyane mu Budage bakunze kwitwa ’Bavarian Beverley Hills’.

Amazu meza yo muri uwo mujyi agurishwa hagati ya miliyoni 10 kugeza kuri 20 z’amapawundi kandi inyinshi muri zo zifite urupangu runini n’ibiti. Ariko, Uyu Mwongereza n’umuryango we ntibarabona inzu nziza muri Grunwald.

Hotel Kane acumbitsemo