Kigali
startimes

Ibyo wamenya kuri Minisitiri wa Siporo mushya Aurore Munyangaju na Shema maboko Didier wagizwe umunyamabanga uhoraho muri Minisiteri ya Siporo

Imyidagaduro   Yanditswe na: Dusingizimana Remy 5 November 2019 Yasuwe: 11861

Perezida Kagame yaraye avuguruye Guverinoma nk’uko amategeko ya repubulika y’u Rwanda abimwemerera,atangaza ko minisitiri wa Siporo ari Madamu Aurore Mimosa Munyangaju mu gihe uwari umusifuzi mpuzamahanga wa Basketball,Shema Maboko Didier yagizwe umunyamabanga uhoraho muri iyi Minisiteri nshya ya Siporo.



Minisitiri mushya wa Siporo Aurore Munyangaju afite impamyabumenyi ya Master’s Degree mu bijyanye n’imicungire y’imishinga [Project Management] yakuye muri kaminuza yitwa Maastricht School of Management mu Buholandi.

Munyangaju yari asanzwe ari umuyobozi mukuru mu kigo cy’Ubwishingizi (SONARWA), ashinzwe ishami ry’ubuzima (SONARWA Life), akaba yaranakoze muri COOPEDU nk’umuyobozi ushinzwe ubugenzuzi mu mirimo itandukanye yakoze mbere.

Amaze imyaka isaga 18 akora mu bijyanye n’ubucuruzi ndetse no mu ishoramari ndetse afite ubumenyi buhanitse ku isoko ry’imari n’imigabane ry’u Rwanda cyane ko hari ibigo by’ubucuruzi yagiye ashinga,ibindi akabiyobora.

Umusifuzi wa Basketball mpuzamahanga w’umunyarwanda Shema Maboko Didier usanzwe anayobora ihuriro ry’abize siporo yaraye agizwe umunyamabanga uhoraho muri iyi Minisiteri nshya ya Siporo.

Shema Maboko Didier wanabaye umuyobozi wa Tekinike igihe kirekire mu ishyirahamwe ry’umukino wa Basketball mu Rwanda, akaba aherutse gusoza icyiciro cya 3 cya kaminuza mu Buyapani mu masomo ya Siporo, muri kaminuza ya Tsukuba (Univeristy of Tsukuba).

Mu kwezi gushize,Shema Maboko Didier, yari aherutse gusifura mu mikino y’amajonjora ya BAL 2020 muri Madagascar.

Hari hashize imyaka irenga 17 Minisiteri ya Siporo ihujwe n’umuco nyuma yo kuyitandukanya na Minisiteri y’Urubyiruko ariko umuco wongeye guhuzwa na minisiteri y’Urubyiruko biyoborwa na Minisitiri Rose Mary Mbabazi.



Minisitiri Munyangaju na Shema maboko Didier bagiye gufatanya mu buyobozi bwa Minisiteri ya siporo

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Rayon Sports yategetswe kwishyura imishahara myugariro Runanira...

Akanama Nkemurampaka k’Ishyirahamwe ry’Umupira w’Amaguru mu Rwanda (FERWAFA)...
11 July 2020 Yasuwe: 2190 0

Varane yasubije umuyobozi wa FC Barcelona wibasiye Real Madrid

Myugariro w’ikipe ya Real Madrid Raphael Varane yabwiye umuyobozi wa FC...
11 July 2020 Yasuwe: 2380 0

March Generation Fan club yacitsemo ibice biyiviramo kuva ku rutonde rwa...

Itsinda ry’abafana ba Rayon Sports rya March Generation risanzwe ritanga...
11 July 2020 Yasuwe: 3352 0

Uwahoze ari umuganga wa Liverpool yavuze ukuntu Steven Gerrard yakomeretse...

Uwahoze ari umuganga wa Liverpool witwa Andrew Massey yavuze ko mu mikino...
11 July 2020 Yasuwe: 1635 0

Real Madrid ikomeje gusatira igikombe cya shampiyona idaheruka

Real Madrid ubu birayisaba gutsinda imikino ibiri ngo yegukane igikombe cya...
11 July 2020 Yasuwe: 2338 0

Bola Lobota Emmanuel azakinira ikipe ya Rayon Sports umwaka...

Umukinnyi Bola Lobota waherukaga gusinyira ikipe ya Gasogi United,biravugwa...
10 July 2020 Yasuwe: 4519 1