startimes
Kigali
startimes

Ifoto y’umunsi: KNC na Sadate basangiye nyuma y’iminsi baterana amagambo

Imyidagaduro   Yanditswe na: Dusingizimana Remy 3 July 2020 Yasuwe: 5125

Nyuma y’iminsi baterana amagambo,umuyobozi wa Gasogi United,Kakoza Nkuriza Charles n’umuyobozi wa Rayon Sports, Munyakazi Sadate bagaragaye bari gusangira ndetse banishimye cyane.


Sponsored Ad


Aba bagabo batacanaga uwaka kuva mu ntangiriro z’iki cyumweru,bagaragaye bishimye cyane bari kumwe n’uwahoze ari visi perezida wa Rayon Sports Muhirwa Fred.

ku wa Kabiri w’iki cyumweru aho umuvugizi w’ikipe ya Rayon Sports yavugaga ko Gasogi United nta bushobozi ifte bwo gutwara umukinnyi Rayon Sports, byari bikomotse kuri Bola Lobota wasinyiye Gasoggi United bivugwa ko na Rayon Sports imwifuza. Aha umuvugizi w’iyi kipe yagereranyije na Gasogi n’igare mu gihe Rayon Sports ari ikamyo.

Perezida wa Gasogi United mu kubasubiza yavuze ko ikamyo yagonze moteri ikanatoboka amapine irutwa n’igare rizima rigenda.

Abinyujije kuri twitter, perezida wa Rayon Sports, Munyakazi Sadate yongeye gusa n’urakaza iyi kipe avuga ko aho gutunga iduka ririmo umunyu gusa yakwandikwa mu banyenganda ni yo uruganda rwaba rutagikora.

Yagize ati“hari igihe igare rifata ku ikamyo ikarifasha kuzamuka umusozi byagera mu mpinga igare rikishuka ko bahagereye rimwe. Burya aho gutunga Boutique irimo umunyu na kwandikwa mu banyenganda niyo rwaba rutagikora. Icyo nzi nuko hari Umuzamu mwiza ukwiye Equipe nziza.”

Aya magambo akaba yababaje bikomeye perezida wa Gasogi United,bituma yihanangiriza Sadate amusaba guceceka kuko we ari umunyamigabane muri Gasogi United mu gihe undi ari perezida ushobora kwirukanwa mu ikipe.

KNC yabwiye Radio10 Ati “Reka nsabe bwana Sadate, wakinisha bagenzi ba we mubana muri Rayon Sports. Ndagusabye ceceka kuko njyewe ndi umunyamigabane muri Gasogi United wowe uri perezida uzirukanwa ejo. Ceceka ntuzakinishe Gasogi United iyo tugiye kuvuga brand tuvuga brand ifite ejo hazaza, Sadate mubo wakinishije unkuremo.”

Nyuma yo guterana amagambo,aba bayobozi bombi bahise binjira mu bikorwa aho Rayon Sports yahise isinyisha umutoza Guy Bukasa wa Gasogi United n’umwungiriza we mu gihe uyu munsi na Gasogi United yasinyishije Cassa Mbungo watozaga Rayon Sports n’umwungiriza we Kirasa Alain.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble

    Jyembona reyon itazigera iterimbere igifite ubuyobozi bubi bohoramo bombori bombori.

    1 month ago

Inzindi nkuru

Cameroun yitwaye neza mu gikombe cy’isi cya 1990 igiye guhabwa amazu imaze...

Ikipe y’igihugu ya Cameroun yamamaye cyane mu gikombe cy’isi mu 1990 mu...
7 August 2020 Yasuwe: 1494 0

Rutahizamu wa Wolves yasekeje benshi kubera agashya yakoze mbere y’umukino...

Rutahizamu wa Wolves witwa Adama Traore yatunguye benshi ubwo mbere...
7 August 2020 Yasuwe: 2171 0

Zinedine Zidane yavuze impamvu idasanzwe yatumye akura Gareth Bale mu...

Umutoza wa Real Madrid,Zinedine Zidane yatangaje ko yakuye rutahizamu wa...
7 August 2020 Yasuwe: 2463 0

Muhadjiri yahishuye impamvu yateye umugongo Rayon Sports bari bumvikanye...

Rutahizamu Hakizimana Muhadjiri wamaze gusinyira AS Kigali yatangaje ko...
6 August 2020 Yasuwe: 3619 0

Muhadjiri yateye umugongo Rayon Sports asinyira AS Kigali

Rutahizamu HAKIZIMANA Muhadjiri wari utegerejwe cyane n’abakunzi ba Rayon...
6 August 2020 Yasuwe: 1124 0

Aubameyang yemeye kongera amasezerano nyuma yo kumva ko Arsenal igiye...

Rutahizamu akaba na kapiteni wa Arsenal,Pierre-Emerick Aubameyang yemeye...
6 August 2020 Yasuwe: 3930 0