Amakipe y’ibihugu akomeye ku isi mu mupira w’amaguru ariyo Ubudage n’Ububiligi yamaze guhamagara abakinnyi azakoresha mu gikombe cy’isi cya 2022 biganjemo abazwi muri shampiyona zikomeye.
Ikipe y’Ububiligi yimye umwanya rutahizamu Divock Origi wa AC Milan muri 26 bahamagawe gusa yagerageje guhamagara amazina azwi nka Eden Hazard,Carrasco na Romelu Lukaku.
Kuri uyu wa kane, umutoza Roberto Martinez yatangaje ko mu bakinnyi azakoresha muri Qatar harimo rutahizamu wa Inter Milan, Romelu Lukaku, (...)

Sponsored Ad

Amakipe y’ibihugu akomeye ku isi mu mupira w’amaguru ariyo Ubudage n’Ububiligi yamaze guhamagara abakinnyi azakoresha mu gikombe cy’isi cya 2022 biganjemo abazwi muri shampiyona zikomeye.

Ikipe y’Ububiligi yimye umwanya rutahizamu Divock Origi wa AC Milan muri 26 bahamagawe gusa yagerageje guhamagara amazina azwi nka Eden Hazard,Carrasco na Romelu Lukaku.

Kuri uyu wa kane, umutoza Roberto Martinez yatangaje ko mu bakinnyi azakoresha muri Qatar harimo rutahizamu wa Inter Milan, Romelu Lukaku, utaramera neza kubera imvune yo mu kibero,amaranye igihe kinini.

Ku rundi ruhande,Ubudage bwahamagaye abakinnyi 26 buzakoresha barimo Umukinnyi wo hagati Mario Götze, watsinze igitego cyabuhesheje igikombe cy’isi muri 2014 batsinze Argentine igitego 1-0.

Uyu mukinnyi wa Frankfurt ari mu rutonde rwa Flick rw’abakinnyi 26, kimwe na Thomas Müller, Manuel Neuer na Matthias Ginter, bane bari mu ikipe yanyagiye Brazil ibitego 7-1 mu myaka umunani ishize.

Mario Götze yaherukaga gukinira ikipe y’igihugu y’u Budage muri 2017.

Flick yahamagaye abazamu batatu, barimo Manuel Neuer, wakize byuzuye imvune yari afiye y’urutugu.

Kapiteni w’Ubudage na Bayern Munich agiye gukina igikombe cy’isi cye cya kane nyuma ya 2010, 2014 na 2018.

Mu busatirizi bahamagaye umwana muto, Youssoufa Moukoko wa Borussia Dortmund,umukinnyi muto cyane mu ikipe y’Ubudage,ukomoka muri Cameroon.

Abakinnyi babuze barimo Marco Reus na Mats Hummels bari mu bakinnyi bakomeye muri Bundesliga.

Ku rundi ruhande,Walid Regragui utoza ikipe y’igihugu ya Maroc yahamagaye abakinnyi azifashisha mu gikombe cy’Isi 2022 biganjemo ab’amazina azwi.

Maroc iri mu itsinda F, kumwe na Croatia,Canada n’u Bubiligi

Abakinnyi Ubudage bwahamagaye:

Abanyezamu (3):

Manuel Neuer (Bayern Munich/GER), Marc-André ter Stegen (FC Barcelone/ESP), Kevin Trapp (Eintracht Frankfurt/GER)

Ba myugariro (9):

Armel Bella Kotchap (Southampton/ENG), Matthias Ginter (Fribourg/GER), Christian Günter (Fribourg/GER), Thilo Kehrer (West Ham/ENG), Lukas Klostermann (RB Leipzig/GER), David Raum (RB Leipzig/GER), Antonio Rüdiger (Real Madrid/ESP), Nico Schlotterbeck (Borussia Dortmund/GER), Niklas Süle (Borussia Dortmund/GER)

Abo hagati (8):

Julian Brandt (Borussia Dortmund/GER), Leon Goretzka (Bayern Munich/GER), Mario Götze (Eintracht Frankfurt/GER), Ilkay Gündogan (Manchester City/ENG), Kai Havertz (Chelsea/ENG), Joshua Kimmich (Bayern Munich/GER), Jamal Musiala (Bayern Munich/GER), Thomas Müller (Bayern Munich/GER)

Ba rutahizamu (6):

Karim Adeyemi (Borussia Dortmund/GER), Niclas Füllkrug (Werder Brême/GER), Serge Gnabry (Bayern Munich/GER), Jonas Hofmann (Borussia Mönchengladbach/GER), Youssoufa Moukoko (Borussia Dortmund/GER), Leroy Sané (Bayern Munich/GER).