Ikipe ya Everton FC yatunguranye muri Premier League,itsinda igitego 1-0 Arsenal yari imaze igihe kinini idatsindwa ndetse inayoboye shampiyona.
Iyi kipe yari imaze iminsi itsindwa umusubirizo,yazanye umutoza mushya Sean Dyche wayifashije kwesura Arsenal iheruka gutsindwa gusa na Manchester United muri Nzeri umwaka ushize.
Uyu mutoza wahoze atoza Burnley yafashijwe n’abakinnyi bakoranye icyo gihe aribo Dwight McNeil na James Tarkowski,bafashanya gutsinda iki gitego cyabakuye mu murongo (...)

Sponsored Ad

Ikipe ya Everton FC yatunguranye muri Premier League,itsinda igitego 1-0 Arsenal yari imaze igihe kinini idatsindwa ndetse inayoboye shampiyona.

Iyi kipe yari imaze iminsi itsindwa umusubirizo,yazanye umutoza mushya Sean Dyche wayifashije kwesura Arsenal iheruka gutsindwa gusa na Manchester United muri Nzeri umwaka ushize.

Uyu mutoza wahoze atoza Burnley yafashijwe n’abakinnyi bakoranye icyo gihe aribo Dwight McNeil na James Tarkowski,bafashanya gutsinda iki gitego cyabakuye mu murongo utukura.

Ikipe ya Arteta yari hasi mu ngufu ndetse ishyaka ryari hasi byatumye Everton iyinaniza mu kibuga hagati ndetse ba rutahizamu bayo ntibabasha gukora.

Everton yakabaye yatsinze hakiri kare mu gice cya mbere kuko yabonye amahirwe akomeye arimo umupira Dominic Calvert-Lewin yananiwe gusunikira mu nshundura acomekewe na Onana.

Hari kandi umupira Abdoulaye Doucoure yateye nabi n’umutwe nyamara ahagaze wenyine mu rubuga rw’amahina.

Amahirwe akomeye Arsenal yabonye n’umupira Nketiah yinjiranye mu rubuga rw’amahina awutera nabi ujya hanze asigaranye n’izamu ryonyine.

Ku munota wa 60 w’umukino nibwo James Tarkowski yatsinze igitego n’umutwe ku mupira wari uturutse muri koloneri yatewe neza na McNeil.

Everton yabaye ikipe ya kabiri yatsinze Arsenal muri uyu mwaka w’imikino,ndetse iyishyira mu mazi abira kuko byatumye ikinyuranyo irusha Man City kiba gito.

Ubu Arsenal iri ku mwanya wa mbere n’amanota 50 ndetse ubu irarusha Man City amanota 5 gusa kandi iyi izakina na Tottenham kuri iki cyumweru.

Hashize imyaka 5 Arsenal itabasha gutsindira Everton ku kibuga cyayo muri Premier League.

Everton yaherukaga gutsinda muri Shampiyona y’Ubwongereza kuwa 22 Ukwakira 2022.

Imikino 5 Arsenal iheruka gusuramo Everton

Everton 1-0 Arsenal
Everton 0-0 Arsenal
Everton 2-1 Arsenal
Everton 2-1 Arsenal
Everton 1-0 Arsenal