Ikipe ya Pyramids yo mu Misiri yageze mu Mujyi wa Kigali guhangana na APR FC mu mukino ubanza w’ijonjora rya kabiri rya CAF Champions League.

Sponsored Ad

Iyi kipe yasesekaye ku Kibuga Mpuzamahanga cy’Indege cya Kigali i Kanombe ku mugoroba wo kuri uyu wa Kane, tariki 14 Nzeri 2023 saa Moya n’iminota itatu.

Rutahizamu wayo Fiston Mayele wari mu bategerejwe cyane we yageze i Kigali mu gitondo cy’uyu munsi.

APR FC izakira Pyramids mu mukino ubanza w’ijonjora rya kabiri rya CAF Champions League uteganyijwe ku Cyumweru tariki 17 Nzeri 2023 saa Cyenda kuri Kigali Pelé Stadium.

Kwinjira kuri uyu mukino ni 5000 Frw ahasanzwe, 7000 Frw ahatwikiriye, ibihumbi 20 Frw mu myanya y’icyubahiro ndetse n’ibihumbi 30 Frw muri VVIP.

AMAFOTO: IGIHE