skol
Kigali
startimes

Impamba ya mpaga yafashije AS Kigali kwerekeza mu cyiciro kibanziriza kwinjira mu matsinda

Imyidagaduro   Yanditswe na: Dusingizimana Remy 6 January 2021 Yasuwe: 4465

Ikipe ya AS Kigali yabonye itike yo kwerekeza mu cyiciro cya 3 kibanziriza imikino y’amatsinda ya CAF Confederations Cup nyuma yo gutsindirwa muri Uganda ibitego 3-1 na KCCA ariko igakomeza kubera iki gitego yatsindiye hanze cyane ko mu mukino ubanza yateye mpanga y’ibitego 2-0.


Ikipe ya As Kigali ikaba ikomeje muri round ya 3 ibanziriza amatsinda aho izatombola mu zamanutse zivuye muri CAF Champions League nyuma y’aho itsinzwe ibitego 3-1 na KCCA bituma amakipe yombi anganya ibitego 3-3 ariko AS Kigali yakomeje kubera itegeko ry’igitego cyo hanze.

AS Kigali yatinze kwinjira mu mukino bituma ihita yinjizwa igitego mu masegonda 10” ya mbere y’umukino na KCCA, cyatsinzwe na Bryan Aheebwa waje no kubongeramo ikindi ku munota wa 36’ w’umukino.

AS Kigali yarangije igice cya mbere imaze kwinjizwa ibitego 2-0 bityo amakipe yombi ajya kuruhuka anganya ibitego 2-2 mu mikino yombi,kuko umukino ubanza AS Kigali yandikiwe ibitego 2-0 kubera mpaga yateye iturutse ko KCCA yabuze abakinnyi kubera Covid-19.

Ku munota wa 57: AS Kigali yabonye Penaliti ku ikosa Ramadhan Moussa yakoreye kuri Aboubakar Lawal. Iyi penaliti yinjijwe neza na Hakizimana Muhadjiri bifasha AS Kigali kugaruka mu mukino.

Ku munota wa 74 w’umukino,KCCA yabonye igitego cya 3 nacyo cyatsinzwe na Bryan Aheebwa wahise agira ibitego bitatu muri uyu mukino.

Iminota 90 yarangiye ari ibitego 3-1 bya KCCA, Umusifuzi wa Kane yongeraho iminota itatu,yari igiye guhira KCCA ariko Bate Shamiru wari mu izamu rya AS Kigali ababera ibamba.

ASKigali yari yategeye abakinnyi bayo agahimbazamusyi k’ibihumbi birenga 300 FRW bakomeje mu kiciro gikurikiraho,yageze ku ntego yayo ubu itegereje tariki 18 z’uku kwezi ngo imenye ikipe bazahura mu ijonjora rya 3 rizagena amakipe 16 agera mu matsinda ya CAF Confederations Cup.

Mu ijonjora ribanza ry’uyu mwaka, AS Kigali yasezereye Orapa United yo muri Botswana nabwo ku gitego cyo hanze,mu gihe KCCA yatangiriye muri iri jonjora rya kabiri.


Abakinnyi 11 AS Kigali yabanje mu kibuga

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Sugira Ernest yakuwe mu ikipe ikina na Uganda muri CHAN 2020

Rutahizamu w’ikipe y’igihugu Amavubi, Sugira Ernest ntabwo arakina umukino...
18 January 2021 Yasuwe: 4114 0

Jose Mourinho yabwiye amagambo akomeye Gareth Bale wamutengushye

Umutoza wa Tottenham,Jose Mourinho,usa n’uwatakarije icyizere umukinnyi we...
18 January 2021 Yasuwe: 3556 0

Ikipe ya Cameroon irashinjwa amarozi kubera agacurama kapfuye kasanzwe mu...

Umutoza wa Zimbabwe, Zdravko Logarusic,yashinje ikipe y’igihugu cya Cameroon...
18 January 2021 Yasuwe: 3202 0

Lionel Messi yakoze igikorwa kigayitse bituma FC Barcelona itakaza igikombe...

Ku nshuro ya mbere mu myaka y’amateka amaze mu ikipe ya FC Barcelona,Lionel...
18 January 2021 Yasuwe: 4076 0

FERWAFA yasobanuye iby’imyenda y’Amavubi yateje impaka ndende ku mbuga...

Ishyirahamwe ry’umupira w’amaguru mu Rwanda [FERWAFA] ryasohoye itangazo...
18 January 2021 Yasuwe: 3155 0

Pep Guardiola yibajijweho na benshi kubera umukinnyi ashaka...

Umutoza wa Manchester City,Pep Guardiola,wubatse izina mu mupira w’amaguru...
17 January 2021 Yasuwe: 5527 0