addresiya
Kigali
startimes

Indege ya Lionel Messi yari igiye guhitana abantu Imana ikinga ukuboko

Imyidagaduro   Yanditswe na: Dusingizimana Remy 3 April 2020 Yasuwe: 7229

Indege ya kizigenza Lionel Messi kapiteni wa FC Barcelona yagiriye ikibazo mu kirere bituma ihagarara igitaraganya Brussels kandi yagombaga guhagarara ahitwa Tenerife muri Espagne.



Iyi ndege yagiriye ikibazo cya tekinike mu kirere bituma umupilote wayo afata umwanzuro wo kuyihagarika vuba na bwangu hafi y’aho yari ageze itarakora impanuka ngo ihitane abari bayirimo.

Ntabwo bizwi neza niba uyu mukinnyi w’ikirangirire cyangwa umuryango we bari bayirimo kuko abashinzwe iki kibuga cy’indege banze kugira icyo batangaza.

Mu gitondo cyo kuri uyu wa Gatanu nibwo iyi ndege yahagaze igitaraganya ku kibuga cya Zaventem airport mu Bubiligi kubera ikibazo yagize nkuko byatangajwe n’ikinyamakuru HLN.

Messi amaze imyaka 2 aguze iyi ndege yihariye akayabo ka miliyoni 11.5 z’amapawundi.

Ku ibaba ry’iyi ndege ya Messi handitseho nimero 10 akunda cyane ndetse amazina ye,umugore we Antonello n’abahungu be batatu Thiago, Ciro na Mateo yanditse ku ngazi zo kuririraho winjira cyangwa usohoka muri iyi ndege.

Iyi ndege ifite igikoni,ubwogero 2, uburiri bwiza cyane ndetse n’imyanya yo kwicaramo 16 ishobora kuvamo uburiri 8 bwo kuryamaho nijoro.

Messi ahembwa akayabo k’ibihumbi bisaga 500 by’amapawundi ku cyumweru ndetse ni umwe mu bakinnyi bamamaza cyane ku isi byatumye yoroherwa no kugura iyi ndege.

Messi na bagenzi be bari mu bwihisho kubera icyorezo cya Coronavirus kimeze nabi muri Espagne ndetse cyatumye shampiyona ya La Liga isubikwa kugeza igihe kitazwi.

Lionel Messi ubu niwe mukinnyi winjije amafaranga menshi kurusha abandi bose mu mupira w’amaguru kuko yinjije akayabo ka miliyoni 120 z’amapawundi mu mwaka wa 2019 mu bikorwa bye byose, nkuko byatangajwe na France Football.

Amafaranga ya Messi yaturutse ku mushahara uri hejuru,uduhimbazamusyi,kwamamariza amakompanyi akomeye,ubucuruzi bwe n’ibindi.

Uyu munya Argentina akurikiwe na Cristiano Ronaldo wa Juventus we winjije akayabo ka miliyoni 109 ku mwaka.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble sam

    No wabifashe nabi kwinjiza ntabwo bivuze ayo ahembwa ahubwo nayo yinjije aturutse kubikorwa bye byose bimwinjiriza mugihe cyumwaka wose

    1 month ago
  • chat_bubble Didace

    Niba Messi ahembwa ibihumbi 500 by’ama pounds ku cyumweru Ntabwo yakwinjiza asaga miliyoni 120, ku mwaka. Ahubwo yakwinjiza agera kuri miliyari 26 z’ama pounds ku mwaka. Aha rero jyewe ndabona harabayeho ukwibeshya.

    1 month ago
  • chat_bubble Didace

    Niba Messi ahebwa ibihumbi 500 by’ama pounds mu cyumweru, Ntabwo yakwinjiza miliyoni zisaga 120 z’ama pounds ku mwaka. Ahubwo yakwinjiza agera kuri miliyari 26 z’ama pounds ku mwaka. Aha rero jyewe ndumva harabayeho ukwibeshya.

    1 month ago

Inzindi nkuru

FIFA yategetse Rayon Sports kwishyura Javier Martinez wahoze ayitoza...

Umutoza Javier Martinez Espinoza ukomoka muri Mexico biravugwa ko yareze...
30 May 2020 Yasuwe: 3665 0

RGB yemeje ko Munyakazi Sadate ariwe wemerewe guhagararira Rayon Sports mu...

Urwego rw’Imiyoborere mu Rwanda [RGB] rwatangaje ko umuyobozi wa Rayon...
30 May 2020 Yasuwe: 2092 2

Real Madrid yongeye gutorwa nk’ikipe ihenze kurusha izindi ku isi mu mupira...

Nkuko byatangajwe na raporo ya European Elite 2020,ikipe ya Real Madrid...
29 May 2020 Yasuwe: 1869 0

Rutanga yavuze impamvu nyamukuru yatumye ava muri Rayon Sports anayisengera...

Uwari kapiteni wa Rayon Sports,Rutanga Eric yahishuye ko impamvu yatumye...
29 May 2020 Yasuwe: 3337 4

RIB yatangiye iperereza ku bahoze bayobora Rayon Sports bashinjwa ruswa no...

Urwego rw’igihugu rw’Ubugenzacyaha,RIB,rwatangaje ko rwatumije bamwe mu...
29 May 2020 Yasuwe: 2471 1

Igihe ntakuka shampiyona y’Ubwongereza izasubukurirwa n’amakipe azabanza...

Kuwa Gatatu tariki ya 17 Kamena 2020 nibwo Premier League yari imaze igihe...
28 May 2020 Yasuwe: 2032 0