Kizigenza mu mukino w’iteramakofe,Anthony Joshua,yakubise Umunya Kameruni Francis Ngannou mu mukino wamamajwe cyane wabereye muri Saudi Arabia,kuri uyu wa Gatanu.

Sponsored Ad

Uyu mukino w’iteramakofe mu baremereye’ heavyweight’ wari witezwe cyane ntiwatinze kuko mu gace ka kabiri [Round 2] aribwo uyu Mwongereza yakubise ingumi iremereye Ngannou ahita amushyira hasi,umusifuzi ahagarika umukino.

Mu minota itageze muri itandatu,Joshua yakubise kuri Knockout [KO] Ngannou,umukino uhita urangira.

Ngannou wari wigaragaje neza mu mukino we wa mbere mu iteramakofe ubwo yahuraga na Tyson Fury,yakubiswe mu ijoro ryo kuri uyu wa Gatanu mu buryo bworoshye.

Ngannou w’imyaka 37,yahoze akina muri UFC heavyweight ndetse aba n’uwa mbere ku isi gusa kuva yabivamo akinjira mu iteramakofe risanzwe akinnye imikino ibiri yose atsindwa gusa uwa mbere benshi bemeje ko yibwe kuko yakubise Fury bigaragara mu ukwakira 2023.

Joshua akimara gukubita Ngannou yabwiye abanyamakuru ati: "Ubwo namubonaga arwana na Fury,naratekereje nti ’nkeneye biriya’.N’umutsinzi kandi ibi ntibikuraho ubushobozi bwe.

Nabwiye (Ngannou) ngo ntazave mu iteramakofi.N’imikino ibiri kandi yarwanye neza He’s two fights in and he fought the best."

Joshua yatwaye imikandara ya WBO, WBA na IBF yarwanye na Ngannou amaze imikino itatu atsinda nyamara nawe mbere y’aho yari amerewe nabi kuko yatsinzwe kabiri na Oleksandr Usyk.

Joshua w’imyaka 34,bivugwa ko yahembwe miliyoni 50 z’amadolari nyuma yo gutsinda Ngannou.

Nubwo yakubiswe Francis Ngannou yatahanye miliyoni 20 z’amadorali muri uyu mukino gusa.