Ikipe ya Liverpool imaze gutsindirwa mu rugo umukino wa 5 wikurikiranya muri Premier League ibintu byari bitarayibaho mu myaka irenga 100 ishize ariyo mpamvu Jurgen Klopp yahaye ubutumwa bukomeye Mohamed Salah.

Sponsored Ad

Uyu mutoza w’umuhanga yatangaje ko buri mukinnyi wese wa Liverpool agomba kubahiriza amayeri y’umukino uko yabisabwe ndetse ko atazatinya gukura mu kibuga uwo ariwe ngo n’ukugira ngo yirinde amagambo y’itangazamakuru.

Umutoza Klopp yarakajwe cyane n’ukuntu Salah yanze gufatanya na bagenzi be mu kugarira kugeza ubwo ikipe itsinzwe igitego 1-0 na Chelsea cyatsinzwe na Mason Mount.

Klopp ntiyakunze uko Mo Salah yitwaye ndetse n’ibinyamakuru bivuga ko yari yarakaye ariyo mpamvu yahisemo kumukuramo hakiri kare.

Mohamed Salah ntiyashimishijwe nuko yasimbujwe hakiri kare ndetse yagiye ku ntebe y’abasimbura ari kuzunguza umutwe byatumye abanyamakuru bavuga ko atishimye cyane ko yaherukaga gusimbuzwa hakiri kare muri Nzeri 2017.

Umunyamakuru Matt Critchley,yatangaje ko Klopp yamucyashye cyane ngo agerageze kugarira mbere y’uko amukuramo akamusimbuza Alex Oxlade-Chamberlain.

Nyuma y’umukino,Klopp yabwiye abanyamakuru ati “Ndishima iyo mbonye abakinnyi batishimye,icyo si ikibazo.Ntabwo nigeze mbibona kuri Mo.Impamvu nasimbuje Salah nuko nagombaga kuzanamo abandi bakinnyi nk’ibisanzwe.

Yagaragaraga ko yananiwe ntabwo nari gukomeza kumushyira mu bibazo.Biba gake niyo mpamvu ariyo mpamvu yatunguwe gusa iyo ufite umwanya wo kugira icyo ukora uragikora.”