skol
Kigali
startimes

Juventus yirukanye Maurizio Sarri nyuma yo gusezererwa na Lyon

Imyidagaduro   Yanditswe na: Dusingizimana Remy 8 August 2020 Yasuwe: 1159

Umutoza Maurizio Sarri waraye unaniwe kurenga 1/16 muri Champions League yirukanwe mu ikipe ya Juventus yari amazemo umwaka umwe gusa ariko yarananiwe kuyiha uburyo bwiza bw’imikinire.


Nubwo Sarri yatwaye Serie A,yagiye atsindwa mu buryo bugayitse mu mikino irimo uwa nyuma wa Serie A na Napoli,uwa Super Cup yatsinzwe na Lazio ndetse no muri shampiyona yatsindaga mu buryo budakurura abafana.

Ikipe ya Juventus ibinyujije ku rubuga rwayo rwa Interineti yashimye Sarri kubera akazi yakoze ko kuyihesha igikombe cya 09 cya shampiyona bikurikiranya no kuba ari umwe mu batoza banyuze muri buri kiciro mu mupira w’amaguru mu Butaliyani.

Maurizio Sarri wageze muri Juventus avuye muri Chelsea mu mwaka w’imikino ushize,yaraye ananiwe kwikura imbere ya Lyon yamusezereye ku gitego cyo hanze kuko mu mukino ubanza yatsinzwe igitego 1-0 hanyuma nimugoroba ayitsinda ibitego 2-1.

Sarri w’imyaka 61 yari ategerejwe n’abafana ba Juventus ko azabaha Champions League baheruka mu mwaka wa 1996 ariko yananiwe no kurenga muri 1/16.

Nyuma yo kwirukanwa,Juventus yatangiye gutekereza ku bandi batoza aho uhabwa amahirwe ari umunya Argentina,Mauricio Pochettino wirukanwe muri Tottenham mu mwaka ushize.

Pochettino wageze ku mukino wa nyuma wa Champions League ishize,yananiwe kugumisha Tottenham mu bihe byiza ariyo mpamvu yirukanwe rugikubita mu mpera z’umwaka ushize asimburwa na Jose Mourinho.

Pochettino ahanganiye akazi na Simone Inzaghi wa Lazio na Zinedine Zidane ushobora kwanga kuva muri Real Madrid yahaye igikombe cya shampiyona.

Ibinyamakuru byo mu Butaliyani byatangaje ko Juventus yamaze kumvikana na Mauricio Pochettino igisigaye ari ugutegereza ko atangazwa ku mugaragaro.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Neymar Jr arashinjwa gukorera igikorwa cya Kinyamaswa umukinnyi wa...

Rutahizamu Neymar Jr w’ikipe ya PSG mu Bufaransa waraye wongeye kwereka isi...
3 December 2020 Yasuwe: 2414 0

Bosnjak watozaga u Rwanda muri Basketball yeguye ku mirimo ye nyuma yo...

Vladimir Bosnjak wari umutoza mukuru w’ikipe y’igihugu y’u Rwanda mu mukino...
3 December 2020 Yasuwe: 477 0

Neymar Jr yateje impaka ubwo yemezaga ko umwaka utaha azakinana na...

Rutahizamu Neymar Jr waraye witwaye neza cyane mu mukino wa UEFA Champions...
3 December 2020 Yasuwe: 1498 0

APR FC yamaze kugera muri Kenya guhangana na Gor Mahia

Ku mugoroba wo kuri uyu wa gatatu saa kumi n’igice, ikipe y’ingabo z’igihugu...
3 December 2020 Yasuwe: 1095 0

Real Madrid yiyemeje kugurana Eden Hazard undi mukinnyi mwiza ku...

Ikipe ya Real Madrid iri mu bihe bibi cyane muri uyu mwaka w’imikino,yatangiye
2 December 2020 Yasuwe: 3333 0

Umwana wa Diego Maradona yasabye Lionel Messi ikintu gitangaje...

Umwana wa Diego Maradona yasabye kizigenza Lionel Messi nawe ukomoka muri...
2 December 2020 Yasuwe: 5541 0