Ikipe ya Etincelles FC na Etoile de l’Est zidashaka kumanuka zatunguranye zitsinda ibigugu mu mikino y’umunsi wa 24 wa shampiyona yabaye kuri uyu wa Gatanu, tariki 8 Werurwe 2024.

Sponsored Ad

Iyi mikino ya shampiyona y’icyiciro cya mbere yabaye kuri uyu wa Gatanu yasize Etincelles yikuye mu murongo utukura.

Kiyovu Sports imaze icyumweru idakora imyitozo, yatsindiwe i Ngoma na Etoile de l’Est nubwo amakuru avuga ko yahembye ukwezi kumwe mu mezi ane barimo abakinnyi.

Ubukene bukabije ni kimwe mu byaranze Urucaca muri uyu mwaka w’imikino, aho ubuyobozi buvuga ko intandaro ari ibihano iyi kipe yahawe n’Ishyirahamwe rya Ruhago ku Isi (FIFA) kubera gutandukana n’abakinnyi binyuranyije n’amategeko.

Umukino ubanza Urucaca rwari rwanyagiye Etoile de l’Est ibitego 6-1.

Ikipe ya Etincelles FC yatunguranye inyagira Mukura VS ibitego 3-1mu gihe AS Kigali yatsinze Musanze igitego 1-0.

Uyu munsi werekanye ko bitaza koroha muri iyi mikino 6 ya shampiyona isigaye ku makipe amanuka.

Uko imikino yagenze:

AS KIGALI 1-0 Musanze FC

Amagaju FC 1-1 Bugesera FC

Etoile De L’Est 1-0 Kiyovu Sports

Etincelles 3-1 Mukura VS

Urutonde nyuma y’iminsi 24:

1. APR FC 55 Pts (-1)
2. Rayon Sports 45 Pts (-1)
3. Musanze FC 44 Pts
4. Mukura VS 39 Pts
.
12. Marines FC 25 Pts (-1)
13. Etincelles FC 25 Pts
14. Bugesera FC 23 Pts
15. Gorilla FC 23 Pts (-1)
16. Etoile de L’Est 19 Pts