Ikipe ya Manchester United ishobora kuzaba idafite Rasmus Hojlund mu mukino ukomeye wa Champions League izasuramo Galatasaray, mu gihe Christian Eriksen azamara ukwezi kumwe ari hanze nyuma y’imvune aheruka kugirira mu mukino wa Luton.

Sponsored Ad

Nubwo Hojlund yatsinze ibitego bitanu mu mikino ine yakinnye muri Champions League, United iri hafi gusezererwa niramuka ititwaye neza i Istanbul ku ya 29 Ugushyingo.

United irizera ko uyu musore w’imyaka 20 azagaruka mbere y’uko uku kwezi kurangira nyuma yo kuvunika kuwa gatandatu batsinda Luton igitego 1-0.

Aba bakinnyi bombi bavuye mu ikipe ya Denmark igiye gukina imikino ibiri ya nyuma yo mu majonjora yo gushaka itike ya Euro 2024 bazakina na Sloveniya na Irlande y’Amajyaruguru.

Iyi kipe yakinnye kimwe cya kabiri cy’irangiza muri Euro 2020, ikeneye amanota ahagije kugira ngo babone itike yo kwerekeza mu budage umwaka utaha.

Ku wa mbere, United yagize ati: "Christian afite imvune yo mu ivi igiye gutuma amara ukwezi adakina, mu gihe rutahizamu Rasmus yagize ikibazo cy’imitsi. Turizera ko azagaruka mbere y’Ugushyingo."

Erik Ten Hag yagaragaje ko urutonde runini rw’abakinnyi be bafite imvune ariyo ntandaro yo kwitwara nabi kwa United muri uyu mwaka w’imikino.

Abandi bakinnyi bavunitse ni:Lisandro Martinez, Luke Shaw, Tyrell Malacia, Jonny Evans,Casemiro n’abandi.