Ikipe ya Bayer Leverkusen yanyagiye Werder Bremen ibitego 5-0, yegukana Igikombe cya Shampiyona y’u Budage,Bundesliga mu gihe habura imikino itanu.

Sponsored Ad

Leverkusen yatunguye abakunzi ba ruhago ku isi,yabimburiye izindi kipe muri shampiyona zikomeye i Burayi kwegukana shampiyona.

Iyi kipe itaratsindwa mu mikino 29, irusha Bayern Munich ya kabiri amanota 16.

Kuba umutoza Alonso na Leverkusen batwaye Bundesliga habura imikino 5, ni igisobanuro cy’uko bagize umwaka w’igitangaza kuko bataranatsindwa mu marushanwa yose.

Bayern Munich yari yaratwaye ibikombe 11 bya shampiyona biheruka ariko uyu mwaka yaratsikiye cyane ko iyi Leverkusen yayikuyeho amanota 4 mu mikino ibiri bakinnye muri shampiyona.

Bayer Leverkusen ntiratsindwa muri uyu mwaka w’imikino bamaze gutwara shampiyona n’igikombe cy’igihugu ndetse batsinze West Ham 2-0 mu mukino ubanza wa 1/4 cya Europa League.

Iyi kipe ishobora no kwegukana Europa League kuko Liverpool yahabwaga amahirwe iheruka gutungurwa itsindwa ibitego 3-0 mu rugo na Atalanta yo mu Butaliyani.