Kizigenza mu mupira w’amaguru,Lionel Messi ukinira Paris Saint-Germain ntiyigeze aha ijwi na rimwe mugenzi we bakinana Kylian Mbappe kuko yatoye inshuti ye Neymar na Karim Benzema mu bihembo byaraye bitanzwe bya The Best FIFA Football Awards.
Messi niwe watowe nk’umukinnyi w’umwaka i Paris atsinze Kylian Mbappe na Karim Benzema.
Nka kapiteni wa Argentina, Messi yari yemerewe gutora ariyo mpamvu yabanje Neymar Jr bakinana muri PSG,yirengagiza Mbappe ubatsindira ibitego byinshi ndetse ukunze (...)

Sponsored Ad

Kizigenza mu mupira w’amaguru,Lionel Messi ukinira Paris Saint-Germain ntiyigeze aha ijwi na rimwe mugenzi we bakinana Kylian Mbappe kuko yatoye inshuti ye Neymar na Karim Benzema mu bihembo byaraye bitanzwe bya The Best FIFA Football Awards.

Messi niwe watowe nk’umukinnyi w’umwaka i Paris atsinze Kylian Mbappe na Karim Benzema.

Nka kapiteni wa Argentina, Messi yari yemerewe gutora ariyo mpamvu yabanje Neymar Jr bakinana muri PSG,yirengagiza Mbappe ubatsindira ibitego byinshi ndetse ukunze kumuha imipira myinshi.

Amatora y’abahize abandi mu bihembo bya FIFA The Best,akorwa n’abafana batoranyijwe,ba kapiteni b’amakipe y’ibihugu,abatoza b’amakipe y’ibihugu ndetse n’abanyamakuru 300 bo mu bihugu bitandukanye kandi buri rwego ruhabwa 25% mu itora.

Kapiteni w’Ubwongereza,Harry Kane yatoye Messi, Sadio Mane na Benzema. Kane ntiyatoye Mbappe, wari mu ikipe yabasezereye mu gikombe cy’isi 2022.

Cristiano Ronaldo ntiyigeze atora kuri iyi nshuro ahubwo yasimbuwe na Pepe watoye Mbappe, Modric na Benzema.

kizigenza wa Liverpool,Mohamed Salah,kapiteni wa Misiri yatoranyije bwa mbere Vinicius Junior wafashije Real Madrid gutsinda Liverpool ku mukino wa nyuma wa Champions League iheruka.Yongeyeho Kevin De Bruyne na Achraf Hakimi.

Umutoza Gareth Southgate yatoye Messi, Luka Modric na Mbappe.

Umutoza wa Argentina, Lionel Scaloni yatoye Messi,Julian Alvarez na Modric.

Umutoza w’Ubufaransa, Didier Deschamps, yatoye Mbappe, Benzema na Messi.

Hugo Lloris kapiteni w’Ubufaransa nawe yatoye kimwe n’umutoza we.

Kapiteni wa Brazil, Thiago Silva yatoye Neymar,Messi na Benzema.

Umutoza w’Ubudage, Hansi Flick yatoye Messi,Modric naRobert Lewandowski.

Lewandowski kapiteni wa Poland, yatoye Messi,Mbappe na Modric.

Martin Odegaard kapiteni wa Norway, yatoye Mess,Erling Haaland na Mbappe.

Son Heung-min wa Koreya yatoye Messi, Mbappe, Benzema.Virgil Van Dijk yatoye Messi, Salah, De Bruyne.