skol
Kigali
startimes

Lionel Messi yarakariye FC Barcelona kubera ikosa rikomeye yamukoreye

Imyidagaduro   Yanditswe na: Dusingizimana Remy 24 August 2020 Yasuwe: 4167

Rutahizamu wa FC Barcelona,Lionel Messi,yarakariye cyane ubuyobozi bwe nyuma y’aho ikiganiro agiranye n’umutoza mushya w’iyi kipe Ronald Koeman kigiye hanze uko cyakabaye kandi baraganiriye bombi.


Kapiteni wa FC Barcelona,Lionel Messi,yatangarije ubuyobozi bw’iyi kipe ko yifuza kwigendera nyuma y’aho ikipe itsinzwe na Bayern Munich ibitego 8-2 mu mukino wa ¼ cy’irangiza muri Champions League.

Ubuyobozi bwa FC Barcelona,bwanangiye buvuga ko butazigera burekura Messi byoroshye ndetse ngo ikipe yose imwifuza igomba kugura umwaka umwe asigaranye akayabo ka miliyoni 631 z’amapawundi.

Ikinyamakuru Mundo Deportivo kibogamira kuri FC Barcelona cyavuze ko ubuyobozi bwavuze ko nta gahunda yo kurekura Lionel Messi bufite ngo yerekeze mu yandi makipe arimo Manchester City, Paris Saint-Germain na Inter Milan ari kumushaka cyane.

Umutoza Ronald Koeman yabwiye abanyamakuru ko ashaka kubakira kuri Lionel Messi ariko kumwemeza kuguma mu ikipe bigoye nyuma y’aho arakajwe cyane no gutsindwa ibitego 8-2.

Ati “Aracyafite amasezerano kandi ni kapiteni wa Barcelona.Ndashaka kuvugana nawe ariko sinzi niba nzabasha kumwemeza akaguma mu ikipe.Niwe mukinnyi wa mbere ku isi ndetse ni nawe mukinnyi wa mbere buri wese yakenera mu ikipe ye.Ntabwo wakwifuza gukina muhanganye.

Nk’umutoza ndifuza gukorana nawe kuko ajya atsinda imikino.Naba agifite imbaraga n’ubushake nk’ibyo asanganwe nta kabuza nzishimira gukorana nawe.”

Nyuma y’iki kiganiro n’abanyamakuru,Messi yavuye mu biruhuko igitaraganya baraganira gusa ikiganiro bagiranye cyahise kigera mu binyamakuru.

Messi yabwiye Koeman ko amahirwe yo kuva muri FC Barcelona ari menshi cyane kurusha ayo kuhaguma cyane ko ubuyobozi bw’ikipe bwananiwe kuyubaka ngo ihatane nkuko yari isanzwe ahubwo igera ubwo inyagirwa ibitego 8-2.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Thiago Alcantara yanze gukora umuhango umenyerewe muri Liverpool kubera...

Umukinnyi mushya wa Liverpool, Thiago Alcantara,yanze gukora umuhango wo...
23 September 2020 Yasuwe: 7 0

KNC watangaje ko agiye guhanganira ibikombe na APR FC yavuze akayabo...

Umuyobozi w’ikipe ya Gasogi United,Kakoza Nkuriza Charles yatangaje ko uyu...
23 September 2020 Yasuwe: 488 0

FC Barcelona yagurishije Luis Suarez mu ikipe iyigora cyane

Ikipe ya Barcelona yemeye kureka rutahizamu Luis Suarez akerekeza mu ikipe...
23 September 2020 Yasuwe: 1362 0

Mose yambukije abisirayeli inyanja itukura ariko ntiyageze mu gihugu...

Uwari umuyobozi w’ikipe ya Rayon Sports Munyakazi Sadate,wakuweho uyu munsi,...
22 September 2020 Yasuwe: 2683 0

Frank Lampard yahishuye ko umunyezamu usimbura Kepa yakoze ikizamini...

Umutoza wa Chelsea,Frank Lampard yahumurije abakunzi b’iyi kipe atangaza ko...
22 September 2020 Yasuwe: 1069 0

Imyanzuro yafashwe na RGB nyuma y’isesengura ku bibazo bya Rayon...

Kuri uyu wa Kabiri tariki ya 22 Nzeri 2020,nibwo Minisiteri ya Siporo...
22 September 2020 Yasuwe: 2139 0