Lionel Messi yegukanye igihembo cya FIFA The Best 2023 atsinze Haaland bigoranye
Yanditswe: Tuesday 16, Jan 2024
Umunya Argentina, Lionel Messi,niwe wegukanye igihembo cy’umukinnyi mwiza ku isi wa FIFA nyuma yo gutsinda Haaland kuri kamarampaka.
Lionel Messi yaguye miswi na Erling Haaland banganya amanota 48.
Hakurikijwe itegeko rya FIFA ryo kureba uwo benshi batoye bwa mbere basanga ni Messi.
Kubera ko ugomba gutora atora abakinnyi batatu,izina rya mbere muri atatu atorwa rihabwa amanota 5,irya kabiri atatu hanyuma irya gatatu ni inota rimwe.
Abatuye ku nshuro ya mbere benshi batoye Messi kurusha Haaland bituma uyu munya Argentina aba uwa mbere.
Haaland yatsinze ibitego 36 muri Premier League na 52 mu marushanwa yose muri Man City.
Ibitego 28 muri byo yabitsinze nyuma y’igikombe cy’Isi.
2023 yatangiye Messi ari muri PSG (ibitego 9) awusoza ari muri Inter Miami (ibitego 10).
Mbappe yabaye uwa 3 yakinanye na Messi muri PSG atsinda ibitego 18 kuva tariki ya 19/12/2022 - 20/8/2023 igihe cyabazwe cy’iki gihembo.
Ibihembo byatanzwe Na FIFA , ikipe ya Manchester City niyo yabiyoraguye ku bwinshi:
Umutoza mwiza w’umwaka yabaye Pep Guardiola
Umuzamu mwiza yabaye Ederson Moraes
Mu ikipe nziza harimo 6 ba Manchester City
Umutoza mwiza mu bagore ni Sarina Wiegman utoza Ubwongereza
Umukinnyi mwiza w’Umwaka ni Aitana Bonmati
Igitego cyiza-FIFA Puskás Award-Guilherme Madruga
Umunyezamu w’umwaka mu bagore Mary Earps
Ikipe y’umwaka:
Umuzamu: Thibaut Courtois
Ba myugariro: John Stones, Kyle Walker, Ruben Dias
Abo hagati: Bernardo Silva, Jude Bellingham, Kevin De Bruyne
Ba rutahizamu: Erling Haaland, Kylian Mbappe, Lionel Messi, Vinicius Junior
Leave a Reply
Your email address will not be published. Required fields are marked *