Kigali
startimes

Losciuto byavugwaga ko yagizwe umutoza wa Rayon Sports yabihakanye

Imyidagaduro   Yanditswe na: Dusingizimana Remy 21 September 2019 Yasuwe: 2828

Umutoza Jean Francois Losciuto byavugwaga ko yamaze kumvikana na Rayon Sports ngo ayibere umutoza mukuru mu gihe kingana n’imyaka 2 yamaganye aya makuru avuga ko yibereye mu gihugu cya Togo.



Ahagana saa tanu z’ijoro ryo kuri uyu wa Gatanu Taliki ya 20 Nzeri 2019 nibwo amakuru yatangiye gucicikana mu binyamakuru no ku mbuga nkoranyambaga ko Umubiligi w’imyaka 47 yamaze kugaruka muri Rayon Sports,ariko amakuru mashya dukesha Radio 10 aravuga ko uyu mutoza yahakanye aya makuru.

Umunyamakuru wa Radio na TV 10 yatangaje ko umutoza Losciuto yamwemereye ko yavuganye na Rayon Sports ariko batarumvikana.

Yagize ati “Nibyo navuganye na perezida wa Rayon Sports mu kwezi gushize ariko nta birenze twagezeho.Ubu ndi mu gihugu cya Togo.”

Losciuto yahakanye ko yamaze kumvikana na Rayon Sports yemeza ko ari ikipe ngo nziza ndetse akuraho amakuru yavugaga ko yari amaze icyumweru mu Rwanda.

Jean François Losciuto yatoje Rayon Sports muri CECAFA yo mu mwaka wa 2014,ikaviramo muri ¼ itsinzwe na APR FC kuri penaliti 4-3 nyuma yo kunganya ibitego 2-2,byavugwaga ko ariwe wagarutse ariko yahakanye aya makuru.

Ubuyobozi bwa Rayon Sports bubinyujije kuri Twitter yabwo bwatangaje ko umutoza mushya aratangazwa uyu munsi saa cyenda n’igice ubwo iyi kipe irakina umukino wa gicuti na Etoile de l’Est I Ngoma.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Gasogi United yasinyishije Cassa Mbungo na Kirasa Alain batozaga Rayon...

Ikipe ya Gasogi United yamaze gusinyisha Cassa Mbungo Andre na Kirasa Alain...
3 July 2020 Yasuwe: 650 0

Robertinho yahakanye amakuru yo kwerekeza muri Gasogi United

Umunya Brazil Roberto Oliveira Goncalves do Carmo uzwi nka Robertinho amaze...
3 July 2020 Yasuwe: 722 0

FERWAFA yateguje Rayon Sports ko ishobora kuzafatirwa ibihano nyuma y’amezi...

Mu nyandiko yo kuri uyu wa Kane tariki 2 Nyakanga 2020, akanama gashinzwe...
3 July 2020 Yasuwe: 1146 0

Guardiola yaneguye bikomeye Liverpool nyuma yo kuyiha isomo rya...

Ibirori byo kwishimira igikombe kuri Liverpool byahungabanyijwe n’akaga...
3 July 2020 Yasuwe: 1184 0

Kwizera Olivier yahaye amasaha 48 Gasogi United ngo imwishyure miliyoni 99...

Umunyezamu Kwizera Olivier yandikiye ikipe ya Gasogi United yahoze akinira,...
2 July 2020 Yasuwe: 1851 1

UPDATE: Umutoza Guy Bukasa yerekeje muri Rayon Sports yakubye umushahara...

Uwari umutoza wa Gasogi United witwa Guy Bukasa,yamaze gusinyira ikipe ya...
2 July 2020 Yasuwe: 1971 0