Madamu Mukanemeye Madeleine ( Mama Mukura),umaze kumenyekana kubera ukuntu yitabira imikino ya Mukura VS n’Amavubi kandi ari hafi kuzuza imyaka 100 yavuze ko yifuza guherekeza ikipe y’igihugu hanze.
Uyu mukecuru bivugwa ko afite imyaka 97 y’amavuko,yabwiye RadioTV10 ko yifuza guherekeza ikipe y’Igihugu "Amavubi"mu mahanga cyane ko akunze kuyiba inyuma iyo yakiniye I Huye.
Yagize ati“Uwampa guherekeza Amavubi hanze y’Igihugu namushimira.”
Kuwa Kabiri tariki 18/10/2022 abakinnyi bagize ikipe (...)

Sponsored Ad

Madamu Mukanemeye Madeleine ( Mama Mukura),umaze kumenyekana kubera ukuntu yitabira imikino ya Mukura VS n’Amavubi kandi ari hafi kuzuza imyaka 100 yavuze ko yifuza guherekeza ikipe y’igihugu hanze.

Uyu mukecuru bivugwa ko afite imyaka 97 y’amavuko,yabwiye RadioTV10 ko yifuza guherekeza ikipe y’Igihugu "Amavubi"mu mahanga cyane ko akunze kuyiba inyuma iyo yakiniye I Huye.

Yagize ati“Uwampa guherekeza Amavubi hanze y’Igihugu namushimira.”

Kuwa Kabiri tariki 18/10/2022 abakinnyi bagize ikipe y’Igihugu y’u Rwanda "Amavubi" y’abatarengeje imyaka 23 basuye Mukanemeye Madeleine wo mu Karere ka Gisagara.

Aba bagize iyi kipe bamugeneye impano zirimo umwambaro w’Ikipe y’Igihugu, ikoti ry’imvura, ibahasha ndetse n’ibiribwa.

Mukanemeye utuye mu Murenge wa Save mu Karere ka Gisagara atega moto ya 3000 Frw agiye gufana ikipe ya Mukura VS i Huye.

Gusa abafana b’iyo kipe nibo bakunze kubimufashamo kuko we ari umukene utabasha kwibonera ayo mafaranga dore ko no kubona ibyo kurya yavuze ko bimugora.

Mu 1922 ni bwo Mukanemeye yaboneye izuba mu Mudugudu wa Kabitoki mu Kagari ka Munazi mu Murenge wa Save ho mu Karere ka Gisagara; ni umuhererezi mu bana umunani bavukana.

Mukanemeye yabwiye IGIHE ko yatangiye gukunda umupira w’amaguru akiri muto yiga mu mashuri abanza ndetse akagerageza no kuwukina.