Ikipe ya Mamelodi Sundowns (Afurika y’Epfo) yatwaye igikombe cya mbere cya African Football League 2023 itsinze Wydad AC (Maroc) ibitego 2-0 mu mukino wo kwishyura bityo igiteranyo kiba ibitego 3-2.

Sponsored Ad

Mamelodi ibaye ikipe ya mbere itwaye igikombe cya African Football League, irushanwa ryakinwe n’amakipe 8 akomeye. CECAFA yahagarariwe na Simba SC yasezerewe na Al Ahly muri 1/4.

Mamelodi yari yatsinzwe ibitego 2-1 muri Maroc,yatsinze ibitego 2-0 mu mukino wa nyuma wo kwishyura ibifashijwemo na Peter Shalulile ku munota wa 45 na Modibe kuwa 53.

Biteganyijwe ko irushanwa ryo muri 2024 amakipe aziyongera akagera kuri 24.

Mamelodi izwi ku Izina rya Masandawana yahawe igikombe na miliyoni enye z’amadolari ya Amerika.

Maseko Thapelo wa Mamelodi niwe wabaye umukinnyi wahize abandi [MVP]muri iri rushanwa.