Amakuru avuga ko Manchester United ishobora kwishyura Casemiro miliyoni 20 z’amapound kugira ngo ave kuri Old Trafford mu mpeshyi.

Sponsored Ad

Uyu mukinnyi wahoze akinira Real Madrid, yinjiye muri Red Devils mu 2022 mu masezerano afite agaciro ka miliyoni 70 z’ama pound kandi yitwara neza mu mwaka we wa mbere muri iyi kipe.

Ariko yatangiye nabi umwaka w’imikino 2023/24, mbere y’uko ajya hanze kubera imvune.

Yagarutse mu ikipe ya Erik Ten Hag iheruka guhangana na Tottenham mu mpera z’icyumweru gishize, ariko yari umusimbura utarakoreshwa kuko Scott McTominay yitabajwe imbere ye.

Ikinyamakuru The Star kiravuga ko Man Utd ishaka gutandukana n’uyu munya Brazil mu mezi ari imbere.

Bije nyuma yuko byagaragaye mu kwezi gushize ko Man Utd yiteguye guhindura cyane amasezerano yahaye bamwe mu bakinnyi nyuma y’aho Sir Jim Ratcliffe yaguze imigabane ingana na 25% muri iyi kipe.

Ibi bizatuma United ihagarika amasezerano ya bamwe mu rwego rwo kubaka ikipe nshya kandi ikomeye

Casemiro uhembwa 350.000 by’amapawundi buri cyumweru, afite amasezerano azamugeza mu mpeshyi ya 2026 muri Man Utd.