skol
Kigali
startimes

Minisitiri Munyangaju yasubije abayobozi b’amakipe bababajwe bikomeye n’ihagarikwa rya shampiyona

Imyidagaduro   Yanditswe na: Dusingizimana Remy 15 December 2020 Yasuwe: 4536

Minisitiri wa Siporo,Munyangaju Aurore Mimosa,yibukije abayobozi b’amakipe bababajwe cyane no kuba shampiyona y’umupira w’amaguru mu Rwanda ko ubuzima bw’abakinnyi babo ndetse n’abanyarwanda aribwo bw’ingenzi kurusha amafaranga bavuga ko bagiye guhomba.


Mu kiganiro kirambuye yagiranye na RBA,Madamu Munyangaju yavuze ko aba bayobozi n’abashoramari b’amakipe bakwiriye guha agaciro ubuzima bw’abantu mbere na mbere,anemeza ko hari amakipe yahimbye ibyangombwa ko yapimwe bitarabaye.

Yagize ati “Turabwira abashoramari ko iyo ushoye amafaranga utarekera aho ahubwo ukwiriye gufata inshingano zo gukurikirana uko abakinnyi bawe bubahirije ingamba zo kwirinda Covid-19 ariko ugomba kureba niba abo bagiye guhura nabo barubahirije ingamba,ukanareba ko FERWAFA iri gukora akazi kayo neza mu kurinda abanyamuryango.Ni nkaho bavuze ko bari kureba amafaranga yabo kurusha ubuzima bw’abakinnyi babo.

Urashyira abakinnyi mu kibuga bahure n’abakinnyi batipimishije.urajya kubahuza n’amakipe yazanye ibyangombwa bitaribyo.Byaragaragaye muri raporo ko hari amakipe yabikoze.N’ukuvuga ngo ushoye amafaranga yawe ariko abakinnyi bawe ubashyize mu kaga.

N’inshingano z’umuyobozi wese,n’inshingazo z’amakipe na FERWAFA na Minisiteri bwo kureba ko iki cyorezo tutagiha icyuho hakaba hakwanduriramo n’abandi.”

Minisitiri Munyangaju yanze gutangaza amakipe yatanze ibyangombwa bihimbano ko yipimishije abeshya kuko ngo bikiri mu iperereza gusa yemeje ko AS Muhanga itipimishije mbere yo guhura na Etincelles FC,ikipe ya Bugesera FC nayo yagiye guhura na Espoir FC I Rusizi itipimishije.

Yakomeje ati “Ibyabereye I Rubavu murabizi aho abakinnyi ba Rayon Sports 4 bari banduye ariko bikagaragara bamaze kujya mu mukino kandi itegeko rivuga ko batari bemerewe kujya mu mukino batarabona ibisubizo.Aho ibisubizo byabonekeye abakinnyi 2 bari banduye bari mu kibuga abandi 2 bari ku ntebe y’abasimbura.Hasabwe ko abakinnyi basohoka cyangwa umukino ugahagarara ariko ntibyakozwe.Ibyo ni ibigaragaza icyuho gihari ko abantu batumvise neza ko bagomba kurinda ubuzima bw’abandi kandi gahunda ya Leta ari ukurinda ubuzima bw’Abanyarwanda bose.Ntabwo twifuza ko siporo yaba icyuho cyo gukwirakwiza Covid-19.”

Minisitiri Munyangaju yemeje ko FERWAFA yagize uburangare bukomeye muri iki kibazo ndetse nayo yabyemeye ariyo mpamvu kugira ngo shampiyona isubukurwe igomba kuzagaragaza uko izahangana n’iki kibazo bya nyabyo.

Munyangaju yavuze ko nubwo nta mibare bafite y’abakinnyi banduye Covid-19 ariko amakipe nka Marines FC,AS Kigali,Rayon Sports,Amagaju FC,Rutsiro FC n’izindi nyinshi zagaragayemo ubwandu bwa Covid-19.

Munyangaju yavuze ko kuba hari ubwandu mu makipe ataricyo kibazo ahubwo ikibazo ari ukutubahiriza amabwiriza bigashyira mu kaga abanyarwanda.

Ku wa Gatanu w’icyumweru gishize, tariki ya 11 Ukuboza 2020, ni bwo Minisiteri ya Siporo yafashe icyemezo cyo guhagarika Shampiyona y’Icyiciro cya Mbere mu Rwanda nyuma y’uko hari amakipe yagaragayemo ubwandu bwa COVID-19 nubwo yagizwe ibanga.

Mu kiganiro yagiranye na IGIHE ku munsi w’ejo, Umuyobozi wa Gasogi United, KNC, yavuze ko ari icyemezo kitashimishije abayobozi b’amakipe kuko bubahirije amabwiriza yatanzwe ndetse bitari byakageze ku rwego rwo guhagarika shampiyona.

Ati “Ni icyemezo kitadushimishije kuko ntekereza ko nta byacitse yari yagaragaye kuko mu makipe 16 kubona ikipe yagize ubwandu ari imwe n’indi yahuye na yo, ndumva ibintu byashoboraga kuba ari uguhana, bakibutsa abantu bakubahiriza amabwiriza kurusha kuvuga ngo turahagarika shampiyona dushingiye ku byagaragaye ku ikipe imwe.”

Yakomeje avuga ko kuba Rayon Sports ari yo yagaragayemo ubwandu bwa COVID-19 bitavuze guhagarika shampiyona kuko niba itarubahirije amabwiriza, andi makipe adakwiye kubizira.

Ati “Ntekereza ko niba ikipe imwe igize ikibazo, ntabwo Rayon Sports ari umupira w’u Rwanda, kandi icya kabiri nta n’igihe byagaragaye ko Rayon Sports yubahiriza amabwiriza kuko muzi igihe ikina na Alpha FC idafite ibyangombwa n’abafana bakaza bakareba, bayihaye ibihe bihano se? Niba bibaye bigasubira, nta kundi byagombaga kugenda. Mu by’ukuri, ntekereza ko amakosa y’umunyamuryango umwe ntabwo akwiriye kuza kuri federasiyo yose.”

“Ikindi, urebye uburyo mu mupira w’amaguru twitwaye mu gukumira COVID-19, ntekereza ko twabaye intangarugero. Kuko nureba ubwandu bwagaragaye ni buke ugereranyije n’uko amakipe angana. N’ahandi hose biraba. Bagomba gufata ibyemezo babanje kureba niba byarakozwe ku burangare, abakoze uburangare bagahanwa, nta mikino irimo. Niba ari abarwaye mu ikipe runaka bakavurwa nk’uko ahandi bikorwa, abazima bagakomeza bagakora.”

KNC yavuze kandi ko bitumvikana uburyo hagaragara ubwandu mu ikipe, shampiyona igahagarikwa nyamara hari ibikorwa birimo iby’ubucuruzi, uburezi n’ibindi byagaragayemo ikibazo nk’iki hagafatwa ingamba zo guhangana na cyo bitagombereye kubihagarika.

Ati “Ubu se MINICOM yari yafunga amasoko ko hari ubwandu bugaragara? None se hagize umuganga urwara MINISANTE yahagarika kuvura? Uburyo bwo gucunga COVID-19 bigomba kwitonderwa cyane, tukabanza tukareba, ariko njyewe ntekereza ko nta byacitse yagaragaye.”

“Bagombaga kuduhamagara bakatubwira bati rero mwa bantu mwe, ibintu murimo murakina n’ibintu bikomeye, turababwira ko mugomba gukora ibi n’ibi, uretse ko twebwe twanabikoze nta kibazo kirimo. Ibyo twasabwaga byose byarakozwe, bakavuga bati mugomba gukora ibi n’ibi, nimutabikora, ibyago bishobora kubaho bimeze gutya, nimutabikora no kubihagarika tuzabihagarika. Tukumva ko ari twe twakoze amakosa.”

“Ariko kuvuga ngo dushingiye ku byagaragaye muri Rayon Sports, tubihereyeho duhagarika shampiyona, ntabwo ari byo.”

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Tour du Rwanda yari iteganyijwe muri Gashyantare 2021 yimuriwe muri...

Ubuyobozi bw’ishyirahamwe ry’umukino wo gusiganwa ku magare mu Rwanda...
15 January 2021 Yasuwe: 2677 0

Cristiano Ronaldo ahembwa umushahara uruta uwo amakipe 4 yo muri Serie A...

Kizigenza Cristiano Ronaldo ukinira ikipe ya Juventus uhembwa amafaranga...
15 January 2021 Yasuwe: 4189 0

Didier Drogba yahishuye uko yatandukanye n’umugore we nyuma y’amafoto...

Uwahoze ari rutahizamu wa Chelsea n’ikipe y’igihugu ya Cote d’Ivoire,Didier...
15 January 2021 Yasuwe: 7097 0

Zidane yafatiye ibihano bikomeye Vinicius Jr wakoze igikorwa...

Umutoza Zinedine Zidane w’ikipe ya Real Madrid yafatiye ibihano Vinicius Jr...
14 January 2021 Yasuwe: 5759 0

Paul Pogba yahaye ubutumwa Liverpool bahataniye igikombe cya...

Umufaransa Paul Pogba ukina hagati mu kibuga mu ikipe ya Manchester United...
14 January 2021 Yasuwe: 4736 0

Munyakazi Sadate wahoze ayobora Rayon Sports yategeye akayabo Amavubi ku...

Uwahoze ari Perezida wa Rayon Sports mbere y’uko yeguzwa na RGB mu mwaka...
13 January 2021 Yasuwe: 4829 0