Mohamed Salah yakamejeje asaba kwerekeza muri Saudi Arabia
Yanditswe: Wednesday 30, Aug 2023
Abanyamakuru bakomeye i Burayi batangaje ko kizigenza Mohamed Salah ashaka kwerekeza mu ikipe ya Al-Ittihad yo muri Saudi Arabia,muri iki cyumweru.
Amakuru aravuga ko uyu mukinnyi wa Liverpool yamaze gusaba kuva Anfield akerekeza muri Saudi Arabia guhembwa umushahara utarahembwa undi mukinnyi wese ku isi.
Umutoza wa Liverpool, Jurgen Klopp yaherukaga kuvuga ko Salah atagurishwa ndetse ko niyo bahabwa akayabo kangana ute bitakunda.
Icyakora,biravugwa ko Al Ittihad ishaka kumugura arenga miliyoni 160 z’amadolari. kugira ngo ayerekezemo byoroshye.
Salah arahabwa umushahara wa miliyoni 300 z’amayero ahite arusha Cristiano Ronaldo na Neymar bari imbere.
Mohamed Salah yamaze gusaba kwigendera kuko umushahara azajya ahembwa ku munsi uruta kure cyane uwo ahembwa ku cyumweru muri Liverpool.
Salah afite ubushake bwo kwerekeza muri iki gihugu cy’abayisilamu kuko nawe ari umuyoboke w’iryo dini.
Leave a Reply
Your email address will not be published. Required fields are marked *