Igihugu cya Misiri cyemeje ko Mo Salah yasubiye muri Liverpool kwivuza nyuma yo kugirira imvune mu gikombe cya Afurika.

Sponsored Ad

Kuri uyu wa kane, uyu mugabo w’imyaka 31 yasohotse mu kibuga ku munota wa 45 mu mukino Misiri yanganyije na Ghana ibitego 2-2.

Itangazo iki gihugu cyasohoye rigira riti:“Ishyirahamwe ry’umupira w’amaguru mu Misiri riratangaza ko Salah arerekeza mu Bwongereza kwivuza yizeye kuzagaruka mu ikipe y’igihugu ya Misiri niramuka igeze muri kimwe cya kabiri cy’irangiza”.

Salah ntazaboneka mu mukino wa Misiri na Cape Verde n’indi mikino ibiri yyo gukuranamo nibaramuka bavuye mu itsinda ryabo.

Bishobotse yakina umukino wa 1/2 cy’irangiza igihe Misiri yaba ibashije kuhagera.

Mu mikino isoza iy’Umunsi wa Kabiri mu Itsinda F ry’Igikombe cya Afurika cya 2023 kiri kubera muri Côte d’Ivoire, Ikipe y’Igihugu ya Repubilika Iharanira Demokarasi ya Congo yitambitse Maroc zanganyije igitego 1-1 naho iya Tanzania idafite Umutoza Mukuru, Adel Amrouche wirukanywe, inanirwa kubona intsinzi ya mbere mu mateka kuko yanganyije na Zambia 1-1.

Undi mukino wabaye ku Cyumweru ni uwo mu Itsinda E aho Afurika y’Epfo yanyagiye Namibia ibitego 4-0 ikagira amanota atatu ku mwanya wa kabiri, inyuma ya Mali ya mbere n’amanota ane.

Kuri uyu wa Mbere haratangira gusozwa imikino yo mu matsinda aho mu Itsinda A rikina saa Moya, Guinée Bissau irakina na Nigeria naho Côte d’Ivoire yisobanure na Guinée Equatoriale.

Mu Itsinda B rikina saa Yine z’ijoro, Mozambique irakina na Ghana naho Cap-Vert yisobanure na Misiri.