skol
Kigali
startimes

Mourinho yagaragarije urwango umwe mu bakinnyi be wamubwiye ko atazongera kumukinira

Imyidagaduro   Yanditswe na: Dusingizimana Remy 24 June 2020 Yasuwe: 2537

Umutoza wa Tottenham,Jose Mourinho aravugwaho gushyamirana n’umukinnyi we wo hagati ukomoka mu gihugu cy’Ubufaransa witwa Tanguy Ndombele aho ibinyamakuru bitandukanye byavuze ko yamubwiye ko atazongera kumukinira.


Kuva Mourinho yagera muri Tottenham,ntabwo acana uwaka na Ndombele bapfuye ko yigeze kumwitabaza mu mukino akamubwira ko atameze neza.

Umutoza Mourinho yabajijwe impamvu ataraha umwanya Tanguy Ndombele kuva shampiyona y’Ubwongereza yagaruka avuga ko ari uko atigeze amukenera nyamara ibinyamakuru byo mu Bufaransa byavuze ko uyu musore w’imyaka 23 waguzwe miliyoni 65 z’amapawundi yamubwiye ko atagikeneye gukina mu ikipe ye.

Mourinho yavuze ko nta bushyamirane bwabaye hagati ye na Ndombele nyamara benshi babona ko uyu mutoza adakunda uyu musore wavuye muri Lyon mu mpeshyi ishyize ari ku rwego rwo hejuru cyane.

Mourinho yigeze gukinisha uyu mukinnyi mu minsi yashize hanyuma amukura mu kibuga mu gice cya mbere amushinja kwitwara nabi ndetse abwira abanyamakuru ko ari ku rwego rwo hasi.

Nyuma yo gutsinda Westham ibitego 2-0 mu ijoro ryakeye,Mourinho yabajijwe niba koko ataba afitanye amakimbirane na Ndombele asubiza ati “Ntayo.Ku ntebe y’abasimbura hari Tanguy, (Ryan) Sessegnon, Toby (Alderweireld), (Jan) Vertonghen, Gedson (Fernandes) kandi bose ntibakinnye.

Bibaho mu mupira w’amaguru .Nta kibazo dufitanye.Nari mfite abakinnyi basatira babiri Lamela na Bergwijn nagombaga kuzana mu kibuga ndetse na Winks akadufasha.

Mourinho na Ndombele ngo bagiranye ikibazo cyatumye abandi bakinnyi bashaka kubahuza ariko ngo byaranze cyane ko uyu Mufaransa yitwara neza cyane mu myitozo.

Ndombele arifuzwa na PSG ndetse na FC Barcelona ndetse biravugwa ko mu mwaka w’imikino utaha ataza ari muri Tottenham.

Ndombele niwe mukinnyi Tottenham yaguze amafaranga menshi kurusha abandi bose yaguze ariko kuva yayigeramo mu mpeshyi ishize,amaze gukina imikino 12 irimo 7 yinjiye asimbuye ndetse amaze gutsinda ibitego 2 gusa.


Ndombele ngo yabwiye Mourinho ko adashaka kongera kumukinira

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Kyle Walker yarakajwe no kumenya ko umukunzi we yamuciye inyuma kandi we...

Umukinnyi wa Manchester City,Kyle Walker,ari mu gahinda kenshi ko kuba...
20 September 2020 Yasuwe: 2277 0

Tottenham yagaruye kizigenza yirereye Gareth Bale

Ikipe ya Tottenham yamaze gutangaza ko yagaruye umunya Wales,Gareth Bale...
19 September 2020 Yasuwe: 1759 0

Umunya Slovenia Tadej Pogacar yateye intambwe ikomeye yo kwegukana Tour de...

Nubwo atahabwaga amahirwe kubera imbaraga z’ikipe itari ku rwego rwo hejuru...
19 September 2020 Yasuwe: 742 0

Thiago Alcantara yahishuye abakinnyi batumye afata umwanzuro wo kwerekeza...

Umukinnyi Thiago Alcantara wamaze kwerekeza mu ikipe ya Liverpool yatangaje...
19 September 2020 Yasuwe: 1711 0

Kiyovu Sports yashyizeho ibisabwa ku muntu ushaka kuba Perezida wayo...

Komisiyo y’amatora muri Kiyovu Sports yatangaje ibisabwa kuri buri wese...
19 September 2020 Yasuwe: 1588 0

Mikel Arteta yatangaje ikintu cyamuteye ubwoba cyane akimara guhabwa akazi...

Umutoza wa Arsenal,Mikel Arteta yatangaje ko akimara guhabwa akazi ko...
19 September 2020 Yasuwe: 1592 0