Kuri uyu wa Gatandatu taliki ya 29 Nyakanga 2017 nibwo ikipe ya Patriots BBC yigaranzuye ikipe ya REG BBC iyitwara igikombe cy’imikino ya kamarampaka (Playoffs 2017) aho kapiteni wa Patriots Mugabe Aristide yatangaje ko yishimiye bikomeye iki gikombe ndetse ashimira buri wese wabaye hafi ikipe ya Patriots.
Nubwo ikipe ya REG BBC yatangiye iyi mikino ya nyuma ya kamarampaka yitwara neza igatsinda umukino wa mbere ku manota 82-75 ya Patriots BBC,umukino wa kabiri Patriots yaje yariye (...)

Sponsored Ad

Kuri uyu wa Gatandatu taliki ya 29 Nyakanga 2017 nibwo ikipe ya Patriots BBC yigaranzuye ikipe ya REG BBC iyitwara igikombe cy’imikino ya kamarampaka (Playoffs 2017) aho kapiteni wa Patriots Mugabe Aristide yatangaje ko yishimiye bikomeye iki gikombe ndetse ashimira buri wese wabaye hafi ikipe ya Patriots.

Nubwo ikipe ya REG BBC yatangiye iyi mikino ya nyuma ya kamarampaka yitwara neza igatsinda umukino wa mbere ku manota 82-75 ya Patriots BBC,umukino wa kabiri Patriots yaje yariye karungu, iyitsinda ku manota 83-77.

Ku mukino wa gatatu ibintu byabaye bibi cyane kuri REG BBC nubwo yariyitezwe na benshi ko igiye kwisubiraho kubera ubuhanga bw’abakinnyi bayo bayobowe na kizigenza Kami Kabange ntabwo Patriots yaboroheye kuko yayitsinze ku manota73-64.

Umukino wa kane wari ishyiraniro kuri buri ruhande cyane ko kuri REG BBC kwari ukongera bakagaruka mu mikino cyangwa se bagatakaza igikombe mu gihe ku ruhande rwa Patriots kwari ugutwara nibura igikombe cy’impozamarira cyane ko umwaka wari ugiye gushira nta gikombe na kimwe yegukanye gusa byarangiye iwutsinze inegukana igikombe aho yatsinze REG BBC ku manota 56-52.

Nyuma yo gutsinda uyu mukino Kapiteni wa Patriots Mugabe Aristide abinyujije ku rubuga rwe rwa Facebook yatangaje ko batari kwishoboza kwigaranzura ikipe ya REG BBC yari imaze kwiharira ibikombe.

Yagize ati “mbere na mbere ndashimana Imana ku bwo kudufasha gutwara iki gikombe cya kamarampaka ndetse no mu mwaka w’imikino wose.Imana ni nziza kandi turishimye cyane.Abavandimwe banjye n’abatoza bacu twarwanye intambara ikomeye ngo twongere tugaruke ku isonga none amaherezo tubigezeho,ndashimira buri umwe wese.Nshimiye ubuyobozi bwa Patriots ukuntu bwatubaye hafi mu bihe bibi n’ibyiza turabakunda cyane.Dushimiye abafana bacu, turabakunda kandi mukomeze kutuba inyuma .Imana ihe umugisha abakunzi ba Basketball kuko ntabwo shampiyona yatera imbere mutabigizemo uruhare.Mwarakoze ku bufasha bwanyu muri uyu mwaka w’imikino".

Patriots niyo yegukanye igikombe cya "Playoffs 2017"

Patriots na APR WBBC zahembwe igikombe n’ibihumbi 500 by’amafaranga y’u Rwanda buri imwe aho APR BBC yahembwe nyuma yo gutsinda IPRC y’Amajyepfo imikino itatu kuri umwe.

Aba nibo bakinnyi 5 bitwaye neza mu mikino ya Playoffs 2017

Amafoto :Igihe.com