skol
Kigali
startimes

Mugiraneza Jean Baptitse Migi yasezeye mu ikipe y’igihugu Amavubi

Imyidagaduro   Yanditswe na: Dusingizimana Remy 13 August 2020 Yasuwe: 1160

Umukinnyi Mugiraneza Jean Baptiste Migi yatangaje ko bitarenze mu kwa cumi azaba yanditse ibaruwa isezera mu ikipe y"igihugu Amavubi, nubwo we ku giti cye yamaze gusezera.


Uyu Mugiraneza Jean Baptiste yatangarije Flash FM muri iki gitondo ko yahagaritse gukinira ikipe y’igihugu nyuma y’imyaka 14.

Mugiraneza Jean Baptiste watangiye guhamagarwa mu Mavubi mu mwaka wa 2005 ubwo yahamagarwa muri CECAFA yari yabereye mu Rwanda,yavuze ko igihe kigeze ngo asezere mu ikipe y’igihugu yibande ku makipe asanzwe.

Icyo gihe we na bagenzi be bageze ku mukino wa nyuma ariko batsinzwe na Ethiopia igitego 1-0.

Migi yabaye umukinnyi w’ingenzi mu Mavubi ndetse we na Haruna Niyonzima nibo bari bamaze igihe kirekire bayirimo.

Migi yabwiye Radio Flash ko nyuma yo kuganira umu agent akaba n"umufasha we Gisa Fausta,bafashe umwanzuro wo gusezera mu ikipe y’igihugu yakiniye imikino isaga 70.

Yagize ati “Bitarenze mu kwezi kwa cumi uyu mwaka ndasezera, nta yindi match nteganya gukinira Amavubi, ku bwanjye umwanzuro namaze kuwufata, ibyo nari mfite narabitanze, aho kugira ngo uzavemo nabi izina ryawe uryishe wasezera bagikugunze, hari ibintubitari byiza mba mbonamo, si ikintu nahubukiye.”

Umukino wa nyuma wa Migi yakinnye mu ikipe y’igihugu n’uwo mu mwaka wa 2018 ubwo bakinaga n’ikipe ya Guinea Conakry.

Migi yazamukiye muri La Jeunesse,yavuyemo yerekeza muri APR FC,Azam FC,Gor Mahia agaruka muri APR FC hanyuma yerekeza muri KMC yo muri Tanzania arimo kugeza ubu.

Migi ukina hagati mu kibuga, yavuze ko bitarenze kuwa mbere w’icyumweru gitaha, azaba yamaze gusinyira ikipe nshya mu zimwifuza, yaba KMC yifuza kumugumana, cyangwa ikipe ya Namungo FC itozwa na Hitimana Thierry, cyane ko izakinira imikino ya Caf Condederation Cup.

Migi yavutse mu mwaka wa 1988 avukira mu murenge wa Nyamirmbo akagari ka Mumena mu karere ka Nyarugenge,umujyi wa Kigali.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Nta mukinnyi utakwifuza gukinira APR FC itwara ibikombe-Tuyienge...

Rutahizamu mushya w’ikipe ya APR FC Tuyisenge Jacques yatangaje ko aje muri...
18 September 2020 Yasuwe: 587 0

Minisiteri ya siporo yavuze aho ikibazo cya Rayon Sports kigeze n’igihe...

Minisitiri wa Siporo,Munyangaju Aurore Mimosa, yatangaje ko imyitozo...
18 September 2020 Yasuwe: 3374 0

Tuyisenge Jacques yerekanwe ku mugaragaro nk’umukinnyi mushya wa APR FC...

Ikipe ya APR FC yatangaje ku mugaragaro ko yamaze gusinyisha rutahizamu...
18 September 2020 Yasuwe: 1133 0

Quique Setien wahoze atoza FC Barcelona agiye kuyijyana mu nkiko

Uwari umutoza wa FC Barcelona mu mwaka w’imikino ushize, Quique Setien...
18 September 2020 Yasuwe: 656 0

Messi na Cristiano Ronaldo bananiwe kwinjira mu rutonde rw’abakinnyi

Ba kizigenza Lionel Messi na Cristiano Ronaldo ku nshuro ya mbere mu myaka...
17 September 2020 Yasuwe: 2597 0

Ifoto ya Lionel Messi ari kwihanagurira inkweto yaciye ibintu

Kizigenza Lionel Messi uherutse gufata umwanzuro wo kuguma muri FC...
17 September 2020 Yasuwe: 3649 0