skol
Kigali
startimes

Mugisha Moise yegukanye agace ka Kane ka GP Chantal Biya bimuhesha amahirwe yo kuyegukana

Imyidagaduro   Yanditswe na: Dusingizimana Remy 21 November 2020 Yasuwe: 4823

Ku munsi wa 4 w’isiganwa rya Grand Prix Chantal Biya riri kubera muri Cameroun, Umunyarwanda Mugisha Moise yongeye kwanikira abandi aza ku mwanya wa mbere bimufasha gukomeza kwambara umwenda w’umuhondo.


Uyu munyarwanda watsinze agace ka mbere agahita yambara umwenda w’umuhondo,yongeye gutungura abo bahanganye yegukana agace ka kane muri iri siganwa.

Mugisha Moise yatwaye aka gace akoresheje amasaha 2:46:33 aho yasize amasegonda 5 Umunya-Slovakia Kubiš Lukáš wegukanye agace ko ku munsi w’ejo mu gihe Uhiriwe Byiza Renus yabaye uwa 03 asizwe amasegonda 11,

Ku rutonde rusange, Mugisha Moïse ari ku mwanya wa mbere, aho amaze gukoresha amasaha 12, iminota 15 n’amasegonda 29, arusha amasegonda 39 Kubiš Lukáš w’ikipe ya Slovakia, mu gihe Kamzong Clovis wa SNH Vôlo Club ari kuwa 03 n’amasegonda 45.

Mugisha Samuel ari ku mwanya wa gatandatu, arushwa amasegonda 56 mu gihe Munyaneza Didier ari uwa 8, arushwa umunota n’amasegonda 21.

Kuri uyu wa Gatandatu, abasiganwa bahagurukiye i Zoétélé berekeza muri Nkpwang- Meyomessala ku ntera y’ibilometero 116,4.

Aka gace kegukanwe na Mugisha Moise uyoboye isiganwa,bimufasha kongera igihe yarushaga abari bamukurikiye ku rutonde rusange.

Grand Prix Chantal Biya iri kuba ku nshuro ya 20 iri ku bipimo bya 2.2 ku ngengabihe y’Ishyirahamwe ry’Umukino w’Amagare ku Isi (UCI), izasozwa ku wa 22 Ugushyingo 2020, nyuma yo kuzenguruka ibilometero 699,4.

Kuri iki cyumweru nibwo irushanwa rya GP Chantal Biya rirasozwa.Ryitabiriwe n’amakipe icyenda arimo iy’u Rwanda, Repubulika Iharanira Demokarasi ya Congo, Benin, Côte d’Ivoire, Burkina Faso, Sénégal, Mali, Dukla Banska Bystrica yo muri Slovaquie na SNH Vélo Club yo muri Cameroun.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Rwatubyaye Abdul yasinye amasezerano y’umwaka n’amezi atandatu mu yindi...

Myugariro w’ikipe y’igihugu y’u Rwanda y’umupira w’amaguru (Amavubi) Rwatubyaye...
25 January 2021 Yasuwe: 2583 0

Abafana ba Chelsea basabiye umusifuzi David Coote ikarita itukura nyuma yo...

Mu butumwa banyujije ku mbuga nkoranyambaga zabo,abafana ba Chelsea basabye...
25 January 2021 Yasuwe: 2849 0

Fenerbahce yatakambiye abafana ngo bayifashe kwishyura Mesut Ozil yemereye...

Ikipe ya Fenerbahce yo muri Turkia yatangiye kuganyira abafana bayo kugira...
25 January 2021 Yasuwe: 3048 0

Abakinnyi 4 n’umuyobozi w’ikipe y’umupira w’amaguru muri Brazil baguye mu...

Abakinnyi 4 b’ikipe yitwa Palmas yo mu cyiciro cya 4 na perezida wayo baguye...
24 January 2021 Yasuwe: 4844 0

Amavubi yageze Amahoro mu mujyi wa Limbe agomba guhanganiramo na...

Ikipe y’igihugu "Amavubi" yageze mu mujyi wa Limbe ivuye Douala aho izakina...
24 January 2021 Yasuwe: 4287 0

Didier Gomes Da Rosa watoje Rayon Sports yerekeje muri Simba...

Umutoza Didier Gomes Da Rosa, ufite ubwenegihugu bw’Ubufaransa na Portugali,...
24 January 2021 Yasuwe: 3625 0