addresiya
Kigali
startimes

Muhadjiri yafashije APR FC gutsinda Bugesera FC isubira mu mwanya mwiza wo guhatanira igikombe cya shampiyona

Imyidagaduro   Yanditswe na: Dusingizimana Remy 27 April 2019 Yasuwe: 2663

Rutahizamu Hakizimana Muhadjiri yongeye kugaragaza ko ari kabuhariwe mu gutera coup Franc kuko ebyiri yinjije hamwe na penaliti bifashije APR FC gutsinda Bugesera FC ibitego 3-0,mu mukino w’umunsi wa 24 wa shampiyona wabereye kuri stade ya Kigali.



Uyu rutahizamu kabuhariwe,afashije APR FC kwiyunga n’abafana bayo nyuma yo gutsindwa na Rayon Sports igitego 1-0 mu mukino uheruka wa shampiyona,itsinda Bugesera FC ibitego 3-0.

Hakizimana Muhadjiri wabaye intwari ya APR FC uyu munsi,yafunguye amazamu mu minota y’inyongera y’igice cya mbere kuri penaliti,yabonetse nyuma y’aho Amran Nshimiyimana yategerwaga mu rubuga rw’amahina.

Iyi penaliti itavuzweho rumwe cyane ko benshi bemeza ko uyu Amran yari yaraririye,yatumye APR FC isoza igice cya mbere iyoboye n’igitego 1-0.

Igice cya kabiri cy’umukino cyatangiye Bugesera FC yari yitezweho ibitangaza iri ku rwego rwo hasi ndetse nta kazi iri guha APR FC bituma nayo ikina ituje kuko yari iyoboye umukino n’igitego 1-0.

APR FC yaje kubona coup Franc,yatewe neza na Muhadjiri,umupira ukubita ku mukinnyi wa Bugesera FC,ujya mu cyerekezo gitandukanye nicyo umuzamu yari yagiyemo igitego cya kabiri kiba kirinjiye.

Nyuma y’iminota 90,Muhadjiri yongeye kunyeganyeza inshundura nabwo kuri coup Franc yateye neza umunyezamu Shaolini ntiyamenya aho umupira unyuze.

Ibitego 3 Muhadjiri yatsinze uyu munsi,byatumye ahita ayobora ba rutahizamu n’ibitego 13 aho arusha Ulimwengu Jules wa Rayon Sports na Nizeyimana Djuma wa Kiyovu Sports igitego 1 kuko bafite 12.

APR FC ikomeje kuyobora urutonde rwa shampiyona n’amanota 57,ikurikiwe na Rayon Sports ifite amanota 51 ariko ifite umukino umwe itarakina uzayihuza na AS Muhanga ku munsi w’ejo.

Mu yindi mikino yabaye uyu munsi,Marines FC yatsinze Musanze FC igitego 1-0,Espoir FC inganya na Sunrise FC igitego 1-1.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


  • chat_bubble Ganza

    ariko mubiryogo bari kuvuga ngo abasifuzi basifuye obona bafite ubwoba, muzaducukumburire impamvu.

    April 2019

Inzindi nkuru

Abakinnyi 5 ba FC Barcelona basanganwe Coronavirus bigirwa ibanga...

Radio ikomeye yo mu mujyi wa Catalonia yitwa RAC1 yemeje ko abakinnyi 5...
2 June 2020 Yasuwe: 2211 0

Rayon Sports yaburiye Kiyovu Sports na Police FC ko zishobora guhomba...

Ikipe ya Rayon Sports yandikiye Kiyovu Sports na Police FC izimenyesha ko...
2 June 2020 Yasuwe: 4454 0

Ronaldo mukuru yatangaje abakinnyi 5 akunda kureba batarimo Cristiano...

Umunya Brazil w’umunyabigwi cyane,Luis Nazario de Lima uzwi nka Ronaldo...
2 June 2020 Yasuwe: 3313 0

Rutanga Eric ashobora kuva muri Police FC igitaraganya kubera indi kipe...

Myugariro Rutanga Eric ukina inyuma ku ruhande rw’ibumoso mu ikipe y’igihugu...
1 June 2020 Yasuwe: 7432 2

Munyakazi Sadate yahaye isezerano rikomeye abafana ba Rayon Sports...

Umuyobozi wa Rayon Sports, Munyakazi Sadate, yasezeranyije abafana b’iyi...
1 June 2020 Yasuwe: 4895 0

Bernardo Silva yaciye ibintu kubera ikizungerezi yabanaga nacyo muri Guma...

Ubwo ibihugu byinshi byafataga ingamba zo guhagarika ibikorwa byose mu...
31 May 2020 Yasuwe: 5841 1