Kapiteni wa Rayon Sports, Muhire Kevin yagiriye inama ikomeye Perezida w’ikipe Uwayezu Jean Fidele kwegera umutoza Julien Mette akamwongerera amasezerano kuko ngo ari umutoza ukomeye.

Sponsored Ad

Mu kiganiro uyu mukinnyi wo hagati yahaye Ishusho TV yavuze ko akazi Mette yakoze mu gihe gito amaze muri Rayon Sports gakwiye kumuhesha amasezerano mashya.

Ati: "Julien yaje abakinnyi benshi baragiye hasigaye abasimbura basa n’abadafite icyizere ariko bose yarabaganirije biba byiza.

Mbaye ndi nka Perezida wa Rayon Sports namwongerera amasezerano hakiri kare,nkamuha umwanya wo kwigurira abakinnyi."

Ibi Muhire abitangaje nyuma y’aho Mette akomeje kwitwara neza cyane ko mu mikino amaze gutoza muri shampiyona yatsinzwe umwe gusa wa Musanze FC,indi yose akaba yarayitsinze neza.

Rayon Sports iri kwitegura APR FC mu mukino w’ishyiraniro wa shampiyona uteganyijwe kuwa Gatandatu saa cyenda z’amanywa.