Mukura VS ntiyabashije kwigaranzura Musanze Etincelles itsinda Amagaju
Yanditswe: Sunday 05, Nov 2017
• Etincelles iyoboye urutonde rw’agateganyo rwa shampiyona nyuma yo gutsinda Amagaju 1-0
• Mukura VS yananiwe gutsinda Musanze banganya 0-0.
Kuri iki cyumweru hakomeje imikino ya shampiyona y’umunsi wa 5 mu Rwanda aho ikipe ya Mukura Vs yanganyije na Musanze FC 0-0,mu gihe Etincelles FC yatsinze Amagaju FC.
Ikipe ya Mukura VS yari imbere y’abafana bayo ntiyashoboye gutsinda Musanze FC iri mu mazi abira dore ko umukino wose warangiye ari 0-0 nubwo Mukura VS yari yagaruye kizigenza wayo gael Duhayindavyi utarakinnye umukino uheruka.
img36413|center>
Ikipe ya Etincelles FC kuri stade Umuganda ntiyoroheye ikipe y’Amagaju kuko yayitsinze igitego 1-0 cyatsinzwe na Kambale Salita Gentil ndetse ihita ibona amahirwe yo kuyobora urutonde rwa shampiyona n’amanota 9 mu mikino 5 aho izigamye ibitego bitatu inganya na Police FC.
Uko imikino y’umunsi wa 5 yagenze:
Kuwa Gatanu
Gicumbi FC 0-1 Kiyovu Sports
Kuwa Gatandatu
Sunrise FC 1-0 Marines FC
Kirehe FC 2-1 Miroplast FC
Ku Cyumweru
Mukura Victory Sports 0-0 Musanze FC
Etincelles 1-0 Amagaju FC
Amakipe atarakinye imikino yarasubitswe kubera ikipe y’igihugu Amavubi yagombaga guhura na Ethiopia mu gushaka itike ya CHAN 2018.
Leave a Reply
Your email address will not be published. Required fields are marked *