Kigali

Munyakazi Sadate na KNC bateranye amagambo karahava mbere yo gukina umukino wa Gicuti kuri "Rayon Day"

Imyidagaduro   Yanditswe na: Dusingizimana Remy 12 November 2019 Yasuwe: 5203

Perezida wa Rayon Sports,Munyakazi Sadate yise Gasogi United umwana wavukanye amagambo ntabashe kubaha abamuruta mu gihe KNC yise Rayon Sports imbogo ipfuye igomba kuva mu bantu ngo itabatera icyugazi.



Kuri uyu wa Kabiri tariki 11 Ugushyingo 2019 kuri Hotel La Palisse i Nyandungu habereye ikiganiro n’abanyamakuru cyahuje abayobozi ba Rayon Sports na Gasogi United mu rwego rwo gutegura umunsi w’ibirori bya Rayon Sports bizamurikwamo umwambaro mushya wa Gikundiro kuri uyu wa Gatanu tariki 15 Ugushyingo 2019, saa 18:00 kuri stade ya Kigali i Nyamirambo.

Icyaranze iki kiganiro n’uguterana ubuse kw’aba baperezida bombi aho buri wese yanengaga ikipe ya mugenzi we cyane ko mu mukino wa shampiyona wabahuje ku munsi wa mbere rwabuze gica banganya 0-0.

Perezida Sadate yagize ati “Turifuza kwitwara neza tugaha ikaze uyu mwana (Gasogi United) twabonye wavukanye amagambo menshi. Iyi kipe y’umudugudu cyangwa akagari ishaka guhangana n’ikipe y’isi izahabwa isomo."

KNC akimara kumva ibyo Sadate yavuze yagize ati Gasogi ni ikipe ubundi imeze nka Mesiya. Yesu yaravutse ntibamumenya. Gasogi ni ikipe iriho kandi yahozeho mu bitekerezo bya benshi igihe ni iki ngo Uwiteka ayibereke. Twiteguye kuzatsinda Rayon Sports tugakuraho agasuzuguro, kuko hari amagambo atari meza numvanye abo muri yo kuva ku muyobozi kugeza ku bakinnyi bayo”.

Mu kiganiro yahaye urubuga rw’ikipe ye,KNC yagize ati "Rayon Sports ni imbogo ipfuye,igisigaye ni ukuzayikiza abantu ngo itabatera icyugazi (itabanukira)."

Ku rutonde rw’ibikorwa biteganyijwe muri ibi birori byo kuwa Gatanu, harimo kumurika ikipe y’ingimbi ya Rayon Sports izakina umukino wa gicuti, kumurika imyenda mishya ya Rayon Sports no kumurika igishushanyo mbonera cya stade ya Rayon Sports, Gikundiro Stadium.Gasogi United nayo izamurika imyenda yakorewe n’uruganda rwa Macron.





Ubushize barahuye rubura gica none bishakiye umukino wa kamarampaka

Amafoto: Rayon Sports.rw +Gasogiunited.com

Author : Dusingizimana Remy

Ibitecyerezo

  • Log in

    Amategeko n'amabwiriza birkurikizwa


Inzindi nkuru

Aubameyang yagiye mu bwiherero hagati mu mukino bituma abafana ba Arsenal...

Rutahizamu wa Arsenal, Pierre Emerick-Aubameyang,yateye umujinya abafana ba...
6 December 2019 Yasuwe: 161 0

kimwe mu bidasanzwe byaranze umunsi wa 12 wa Shampiyona y’icyiciro cya mbere...

Umunsi wa 12 wa Shampiyona y’icyiciro cya mbere mu Rwanda (RPL) wasojwe nta...
6 December 2019 Yasuwe: 115 0

Imyigaragambyo y’ikiruhuko cy’izabukuru yahagaritse ubuzima mu...

Imyigaragambyo yabangamiye bikomeye amashuri n’ibijyanye n’ingendo no gutwara...
5 December 2019 Yasuwe: 1010 1

Aline Umutoni wasifuye umukino wahuje ikipe ya Gasogi United n’iya Gicumbi...

Muri uyu mukino wa shampiyona Aline yaherukaga gusifura yarakariwe cyane...
5 December 2019 Yasuwe: 3870 0

Jose Mourinho yavuze ikosa abakinnyi be bakoze bigatuma batsindwa na...

Umutoza wa Tottenham,Jose Mourinho yavuze ko impamvu ikomeye yatumye...
5 December 2019 Yasuwe: 2638 0

Umukinnyi wa Rayon Sports yatunguwe n’umuryango we ku isabukuru y’amavuko...

Nyuma y’umukino ikipe ya Rayon Sports yaraye inganyijemo na Police FC...
5 December 2019 Yasuwe: 3472 0