skol
Kigali
startimes

Munyakazi Sadate yahishuye impamvu yanga APR FC n’icyatumye ashwana na Muvunyi Paul wamwimitse

Imyidagaduro   Yanditswe na: Dusingizimana Remy 16 October 2020 Yasuwe: 3511

Uwahoze ari umuyobozi wa Rayon Sports,Munyakazi Sadate,yatangaje ko atigeze na rimwe akunda APR FC kubera ukuntu abasirikare bigeze kumukubita we n’abandi bafana ba Rayon Sports ubwo barimo kwishimira intsinzi.


Uyu mugabo uherutse gukurwa ku buyobozi n’Urwego rw’igihugu rw’imiyoborere RGB kubera kunanirwa gukemura ibibazo byari muri Rayon Sports yari abereye umuyobozi,yavuze ko yakuze akunda Rayon Sports ndetse ababyeyi be bamuhembaga kureba imikino yayo iyo yabaga yazanye amanota meza mu ishuri.

Sadate yabwiye Radio B&B FM Umwezi ko adakunda APR FC nkuko bamwe mu bafana ba Rayon Sports bajya babimushinja ndetse yigeze gukubitwa n’ingabo z’igihugu ubwo we n’abandi bafana ba Rayon Sports bishimiraga ko bayitsinze mu myaka ya za 90 nyuma gato ya Jenoside.

Ati “Iyo Rayon Sports yatsindaga kariya gace ka Maison Trèsor twarakabohozaga. Sinzibagirwa ikintu cyatumye nanga APR FC kurushaho, twavuye gutsinda APR, sinibuka umwaka, turamanuka tujya hariya mu Biryogo, turabyina.

Hamanutse abasirikare bari mu modoka bavamo baradukubita turirukanka, ibyari ibyishimo bivamo akababaro. Icyo gihe, kuva uwo munsi noneho, buriya n’abanyitirira APR ndabyakira nyine, ntabwo banyegetse ku mwanzi cyangwa iki, ariko numva mbasetse cyane.”

Sadate yavuze kandi ko umubano we mubi na Muvunyi Paul wasembuwe n’ikiganiro yagiranye na Radio Rwanda akagaragaza ko ubwo yahabwaga ikipe, yasanze nta mafaranga ifite kuri konti ndetse yari ifite umwenda wa miliyoni 600 Frw.

Ati “Muvunyi ntiwamenya uko agutekerezaho. Gusa icyo namenye, amakuru nabwiwe n’abo hafi ye ni uko atashimishijwe n’ibyo navugiye kuri Radio Rwanda kuko nagaragaje ko nta cyo bagejeje kuri Rayon Sports.”

Munyakazi yatorewe kuyobora Rayon Sports tariki 14 Nyakanga 2019,aza gukurwa kuri iyi mirimo kuwa 33 Nzeri 2020.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


  • chat_bubble serge

    KudakundaAPR FC kwawe ntacyo byayitwara rwose. gusa ndumva ushaka kugereranya izo muri 90 na RDF. gusa aho uribeshye.

    1 week ago

Inzindi nkuru

SKOL yagiranye ibiganiro na komite nshya ya Rayon Sports

Kuri uyu wa Kabiri, ubu buyobozi bushya bwa Rayon Sports bwakiriwe...
28 October 2020 Yasuwe: 779 0

Josep Maria Bartomeu yamaze kwegura ku buyobozi bwa FC Barcelona

Perezida wa FC Barcelona, Josep Maria Bartomeu,yamaze gutanga ubwegure bwe...
27 October 2020 Yasuwe: 1197 0

Mugheni Fabrice wakunzwe n’abafana ba Rayon Sports yerekanwe nk’umukinnyi...

Umukinnyi Kakule Mugheni Fabrice wahoze akina hagati mu kibuga muri Rayon...
27 October 2020 Yasuwe: 898 0

Jose Mourinho yarakariye abakinnyi be kubera ibyo yabasanzemo nyuma...

Umutoza wa Tottenham,Jose Mourinho yarakariye abakinnyi be nyuma y’umukino...
27 October 2020 Yasuwe: 2317 0

Mikel Arteta yatangaje impamvu Arsenal ikomeje gutsindwa umusubirizo

Umutoza Mikel Arteta w’ikipe ya Arsenal yatangaje ko impamvu ikipe ye iri...
27 October 2020 Yasuwe: 2005 0

FC Barcelona yashinje umusifuzi wayisifuriye ku mukino wa El Clasico kuba...

Ikipe ya FC Barcelona yamaze kwandikira ishyirahamwe ry’umupira w’amaguru...
26 October 2020 Yasuwe: 1414 0