Kigali
startimes

Munyakazi Sadate yandikiye Perezida Kagame amusaba kumufasha gukemura ibibazo by’ingutu Rayon Sports yatejwe n’abahoze bayiyobora [IBARUWA]

Imyidagaduro   Yanditswe na: Dusingizimana Remy 25 May 2020 Yasuwe: 3366

Umuyobozi w’ikipe ya Rayon Sports,Munyakazi Sadate yandikiye Nyakubahwa Perezida wa Repubulika y’u Rwanda,Paul Kagame amusaba kumufasha mu bibazo by’ingutu iyi kipe ifite yatejwe n’abahoze ari abayobozi bayo.



Kuri uyu wa Mbere tariki ya 25 Gicurasi 2020,Munyakazi Sadate yandikiye perezida Kagame uyu munsi ibaruwa ndende ifite umutwe ugira uti “Kubagaragariza ibibazo bivugwa muri Rayon Sports no kubasaba ubufasha bwo kubikemura.”

Muri iyi baruwa ndende perezida Munyakazi Sadate yashinje abahoze ari abayobozi ba Rayon Sports gusesagura umutungo w’ikipe bikayishyira mu bibazo by’ubukene no kwibasira abashaka gushyira hanze ibyo byaha bakoze.

Perezida Munyakazi Sadate yabwiye perezida Kagame ko izingiro ry’ikibazo ryamenyekanye nyuma y’amakimbirane ya za komite nyinshi zari ziyoboye ikipe hanyuma Umuryango wa FPR Inkotanyi na Minisiteri ya Siporo bakabagira inama yo kwicara bagashyiraho komite imwe inyuze mu mucyo yatoye Bwana Muvunyi Paul.

Bwana Munyakazi Sadate yavuze ko nyuma yo gusimbura Muvunyi ku buyobozi bwa Rayon Sports yasanze abayobozi bahoze bayoboye Rayon Sports baranyereje amafaranga asaga miliyari yaturutse ku bibuga,mu kugurisha abakinnyi no mu bafana.

Munyakazi yavuze ko habaye kunyereza imisoro aho kugeza ubu ikipe yishyuzwa n’Ikigo cy’imisoro n’Amahoro ingana na miliyoni 239 FRW.

Munyakazi yashinje abahoze ari abayobozi ba Rayon Sports gusesagura umutungo bawushora mu guha ruswa abasifuzi.

Munyakazi yavuze ko amafaranga yagiye agurishwa abakinnyi benshi hanze y’u Rwanda yatikiriye mu bahoze ari abayobozi ba Rayon Sports bayashyiraga kuri konti zabo aho kuyashyira ku y’ikipe ngo ayifashe kwiyubaka.

Munyakazi kandi yavuze ko hari Audit yakozwe muri 2015 igaragaza ko habaye kunyereza amafaranga mu ikipe hanyuma agiye ku buyobozi abigaragaje bamwe batangira kumurwanya.

Perezida Sadate yavuze ko aba bahoze bayobora Rayon Sports bamurwanyije bakoresheje ibinyamakuru bitandukanye birimo n’ibyo hanze y’u Rwanda bishyigikiye abarwanya ubutegetsi bw’u Rwanda nka RNC.

Munyakazi yavuze ko abakoresha ibi binyamakuru bamwangishije abafana ba Rayon Sports ndetse ngo abona abakora ibi bagamije kwangisha ubuyobozi bw’igihugu abaturage banyuze kuri Rayon Sports.

Munyakazi yasoje ibaruwa asaba Perezida Kagame kumufasha gukemura ibibazo biri muri Rayon Sports,abagambiriye guhisha ukuri bakabibazwa iyi kipe ikabona ubutabera.





Ibaruwa Munyakazi Sadate yandikiye perezida Kagame

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Russell Westbrook wabaye MVP muri 2017 bamusanzemo Covid-19

Russell Westbrook, icyamamare muri Basketball akaba umukinnyi wa Houston...
13 July 2020 Yasuwe: 227 0

APR FC igiye kurekura abakinnyi barimo Sugira Ernest

Ubuyobozi bwa APR FC bwahaye uburenganzira Sugira Ernest na Nkomezi Alex...
13 July 2020 Yasuwe: 2524 0

Murumuna wa Serge Aurier yarasiwe inyuma y’akabyiniro arapfa

Umuvandimwe w’umukinnyi wa Tottenham Serge Aurier yishwe arashwe mu mu mujyi...
13 July 2020 Yasuwe: 1861 0

Manchester City yatsinze UEFA yemererwa kugaruka muri UEFA Champions...

Ikipe ya Manchester City yatsinze urubanza rwo kujuririra ibihano yari...
13 July 2020 Yasuwe: 685 0

Rayon Sports yategetswe kwishyura imishahara myugariro Runanira...

Akanama Nkemurampaka k’Ishyirahamwe ry’Umupira w’Amaguru mu Rwanda (FERWAFA)...
11 July 2020 Yasuwe: 2353 0

Varane yasubije umuyobozi wa FC Barcelona wibasiye Real Madrid

Myugariro w’ikipe ya Real Madrid Raphael Varane yabwiye umuyobozi wa FC...
11 July 2020 Yasuwe: 2484 0