skol
Kigali
startimes

Murenzi Abdallah yavuze kuri Abdoul Razak Fiston wahakanye ko yavuganye na Rayon Sports

Imyidagaduro   Yanditswe na: Dusingizimana Remy 12 October 2020 Yasuwe: 6608

Umuyobozi w’agateganyo wa Rayon Sports,Murenzi Abdallah,yatangaje ko kuba Umurundi Fiston yarahakanye ko bavuganye ari ibisanzwe ku bakinnyi ariko ngo bagiranye ibiganiro biza guhagarikwa n’uko Rayon Sports yabonye abakinnyi 2 bo muri TP Mazembe.


Mu kiganiro yagiranye na Falsh FM mu gitondo cyo kuri uyu wa mbere tariki 12 Ukwakira 2020, Murenzi Abdallah yavuze ko bari bavuganye na Fiston ariko ngo nyuma yo kubona undi rutahizamu , Mbelu Robert batijwe na TP Mazembe ngo bagabanyije imbaraga bashyiraga mu biganiro bagiranaga na we.

Ati " Abakinnyi nyine ni uko ariko hari ama contacts amwe yari yakozwe (hari habayeho kuvugana). Tumaze kubona uriya muhungu Robert, ntabwo twashyizemo imbaraga kuko dufite Robert , tukagira na Camara twaba dufite ubusatirizi bwiza ku buryo gukomeza kongera abakinnyi n’umubare w’abanyamahanga bitwara amafaranga, byabaye ngombwa ko tugabanya imbaraga aho tubona tudafite amahirwe menshi."

Mu minsi ishize, rutahizamu Fiston Abdoul Razak ukomoka mu gihugu cy’u Burundi ndetse agakinira n’ikipe y’igihugu “Intamba mu rugamba” yavuze ko ngo igihe kitaragera cyo gukinira Rayon Sports.

Mu kiganiro yahaye ikinyamakuru cyo mu Burundi,” Indundi Sports”, Fiston Abdoul Razak yahakanye amakuru yatanzwe na Perezida Murenzi ari kuvugana na Rayon Sports kugira ngo azayikinire mu mwaka w’imikino ugiye kuza.

Fiston yagize ati ” Iyo nkuru si yo nta muntu n’umwe turavugana avuye muri Rayon Sports.Si ubwa mbere bavuga ko ngiye kuyerekezamo ariko sinzi impamvu babikora , hari abantu bamwe bigeze kumbwira ko najya mu Rwanda , Tanzania , Uganda cyangwa Kenya ariko muri iki gihe ntiharagera ko nkina muri ibyo bihugu byo muri East Africa keretse mu myaka izakurikira “.

Mu cyumweru gishize,Murenzi Abdallah yabwiye B&B FM UMWEZI ko muri 2013 ubwo yayoboraga Rayon Sports yavuganye na Fiston ariko ntibyakunda ko aza muri Rayon Sports ndetse ubu ari kugerageza kongera kumugarura.

Ati " Ibiganiro birimo gukorwa , so nabyo bigenze neza byashoboka. Ni umukinnyi mwiza unakunda Rayon Sports. Twari twaravuganye Rayon Sports ikiri i Nyanza bipfa ku munota wa nyuma ariko ntabwo iyo contact yatakara gutyo gusa, abantu bagomba kuyibyaza umusaruro."

Fiston yakiniye amakipe atandukanye arimo LLB Académic FC yo mu Burundi ,Sofapaka FC yo muri Kenya, Mamelodi Sundowns yo Afurika y’Epfo, Bloemfontein Celtic nayo yo muri Afurika y’Epfo, 1º de Agosto yo muri Angola, Al-Zawraa yo muri Iraq, JS Kablylie yo muri Algeria. Ubu akinira Enppi SC yo mu Misiri.

Uretse Vital Ourega na Mbelu Robert bamaze gutizwa Rayon Sports muri TP Mazembe,Murenzi Abdallahyemeje ko bari mu biganiro na Biramahire Abeddy na Moussa Camara.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Liverpool yatakaje agahigo gakomeye yari ifite ikomeza kujya mu bihe...

Ikipe ya Liverpool imaze iminota 438 itinjiza igitego mu izamu ry’ikipe...
22 January 2021 Yasuwe: 3325 0

APR FC yahisemo guha Kiyovu Sports Ishimwe Kevin wayinaniye

Kuwa Mbere tariki ya 18 Mutarama 2021, Ikipe y’Ingabo z’Igihugu APR FC...
21 January 2021 Yasuwe: 3327 0

Cristiano Ronaldo yakoze akandi gahigo gakomeye cyane ku isi

Rutahizamu wa Juventus, Cristiano Ronaldo,yamaze kuba uwa mbere ku isi...
21 January 2021 Yasuwe: 4044 0

Theo Walcott yavuze umukinnyi bakinannye abona yararushaga ubuhanga Thierry...

Umwongereza Theo Walcott ukinira ikipe ya Southampton ariko wamamaye muri...
20 January 2021 Yasuwe: 4963 0

Umukinnyi wakiniye Aston Villa yakatiwe igifungo cy’imyaka 2 azira gushyira...

Uwahoze ari myugariro wa Aston Villa witwa Antonio Luna ukomoka mu gihugu...
20 January 2021 Yasuwe: 4805 0

Muhadjiri yatowe mu ikipe y’abakinnyi 11 bitwaye neza ku munsi wa mbere...

Umunyarwanda ukina asatira izamu Hakizimana Muhadjiri, yaje mu ikipe...
20 January 2021 Yasuwe: 4825 0