skol
Kigali
startimes

Neymar Jr ashobora gufatirwa ibihano bikarishye kubera imyitwarire mibi yagize ku mukino wa Marseille

Imyidagaduro   Yanditswe na: Dusingizimana Remy 15 September 2020 Yasuwe: 1599

Rusahizamu Neymar Jr w’ikipe ya PSG ashobora guhagarikwa imikino 7 ndetse akanacibwa amafaranga menshi kubera ikarita y’umutuku yahawe nyuma yo gukubita umukinnyi wa Marseille witwa Alvaro bashyamiranye umwanya munini.


Neymar Jr n’umwe mu bakinnyi 5 bahawe amakarita y’umutuku muri uyu mukino wabaye ku cyumweru ukarangira Marseille itsinze PSG igitego 1-0 cyatsinzwe na Florian Thauvin ku munota wa 55.

Neymar Jr yavuze ko yakoze amakosa ariko ngo yayatewe n’uko uyu Alvaro yamututse ibitutsi byiganjemo irondaruhu.

Uyu mukinnyi yavuze ko Alvaro yamwise inkende ndetse amutuka ku babyeyi bituma arakara niko kumukubita.

Ikinyamakuru RMC Sport cyatangaje ko uyu Neymar Jr ashobora guhagarikwa imikino 7 gusa uyu Alvaro we yavuze ko nta mwanya yaha ivangura ahita anashyira hanze ifoto ari kumwe na bagenzi be bakinana b’abirabura.

Ikipe ya PSG yo yashyigikiye umukinnyi wayo Neymar Jr mu itangazo yashyize hanze:

“Paris Saint-Germain ishyigikiye bikomeye Neymar Jr wavuze ko yatutswe ku ruhu n’umukinnyi w’ikipe bari bahanganye.Ikipe ishyigikiye ko nta mwanya irondaruhu rifite mu bantu,mu mupira w’amaguru no mu buzima bwacu.”

Abashinzwe shampiyona ya Ligue 1 iri gukurikirana uko iki kibazo cyagenze kugira ngo ibone gutanga ibihano bikwiriye.

Neymar Jr yagiye kuri Twitter ku munsi w’ejo yibasira Alvaro aho yavuze ko atari umugabo,ko agira irondaruhu ndetse nta cyubahiro na gike yamuha.

Abinyujije kuri Instagram ye,Neymar Jr yavuze ko atari kuva mu kibuga ntacyo avuze kubera iri rondaruhu yakorewe aho yavuze ko yashakaga kumvisha abasifuzi n’abandi bari bahagarariye uyu mukino ko nta mwanya ukwiriye guhabwa irondaruhu.

Yagize ati “Irondaruhu rirahari,ariko tugomba kurihaguruka.Ntibikwiriye,ibi birahagije.Nemeye igihano nahawe kubera ko nagombaga kubaha amabwiriza y’umupira usukuye.Ndizera ko n’uwabiteye azahanwa.”

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Joe Willock ukinira Arsenal yarokotse impanuka y’imodoka [AMAFOTO]

Umukinnyi ukiri muto Joe Willock ukina hagati mu ikipe ya Arsenal yakoze...
28 November 2020 Yasuwe: 737 0

Amakipe 17 arimo n’iya Chris Froome azitabira Tour du Rwanda 2021 izakinirwa...

Uyu munsi nibwo abategura irushanwa rya Tour du Rwanda na FERWACY bashyize...
27 November 2020 Yasuwe: 870 0

Yahuye n’uruva gusenya kubera kwifotoreza ku murambo wa Diego Maradona...

Umugabo witwa Diego Molina wari mu batoranyijwe ngo batunganye umurambo wa...
27 November 2020 Yasuwe: 4368 0

Arsenal yagiriye ikibazo muri Norway nyuma yo gutsinda Molde

Ikipe ya Arsenal yaraye itsindiye Molde ku kibuga cyayo muri Norway yaraye...
27 November 2020 Yasuwe: 2729 0

Gor Mahia yashyize hanze abakinnyi irazana I Kigali batarimo Jules...

Ikipe ya Gor Mahia igomba gukina na APR FC mu ijonjora rya mbere rya CAF...
27 November 2020 Yasuwe: 1252 1

Abakunzi ba Basketball bipimishije Covid-19 bemerewe kureba amajonjora y’...

Minisiteri ya siporo yatangaje ko abakunzi ba Basketball bipimishije...
27 November 2020 Yasuwe: 298 0