skol
Kigali
startimes

Nubwo umuti washariraga ariko mu nyungu rusange wari ngombwa-Sadate Munyakazi

Imyidagaduro   Yanditswe na: Dusingizimana Remy 24 September 2020 Yasuwe: 4764

Uyu munsi nibwo habaye ihererekanyabubasha hagati y’umuyobozi wa Rayon Sports w’agateganyo,Murenzi Abdallah na Munyakazi Sadate ucyuye igihe nyuma yo gukurwaho na RGB kuwa Kabiri.


Munyakazi yanditse urwandiko rugaragaza ibyo yamurikiye Murenzi Abdallah harimo imyenda ikipe irimo muri rusange,abakinnyi ifite n’amasezerano yabo,abatoza,abakozi batandukanye n’ibindi.

Munyakazi yashimiye abagize uruhare mu gusubiza ku murongo ibya Rayon Sports ndetse avuga ko nubwo umuti wo kumukura ku buyobozi wari ushaririye ariko wari ngombwa kubera inyungu rusange.

Munyakazi yavuze ko ikipe igiye mu murongo mwiza ati “Ndahamya ko uyu munsi dushyizeho ibuye ry’ifatizo ryo kubaka Rayon Sports ikora kinyamwuga,ikomeye kandi ihorana intsinzi.Ibyo twaharaniye biratangiye kandi mu minsi iri imbere tuzabona umusaruro mwiza wabyo.Abibaza ko tutazaba duhari nabasubiza ko tuzaba duhari ubu n’iteka ryose biciye mu murongo twaharaniye.”

Munyakazi yijeje abakunzi ba Rayon Sports ko azubaha ubuyobozi buriho n’ubuzajyaho kandi azakorana nabwo nibumukenera mu kubaka Rayon Sports itajegajega.

Mu ijoro ryakeye nibwo Urwego rw’igihugu rw’imiyoborere,RGB,rwatangaje ko Murenzi Abdallah wigeze kuba umuyobozi wa Rayon Sports ndetse akayihesha igikombe cya shampiyona 2013 yagizwe umuyobozi w’inzibacyuho wa Rayon Sports.

Biciye mu Itangazo rigenewe abanyamakuru, RGB yatangaje komite y’inzibacyuho yahawe igihe kingana n’iminsi 30, maze bahabwa inshingano zo kunoza amategeko no gushyira ku murongo ibindi byateje ibibazo muri iyi kipe.

Ni komite nyobozi y’inzibacyuho igizwe n’abantu batatu ari bo:

1. Murenzi Abdallah: Perezida
2. Twagirayezu Thadee: Ugize Komite
3. Me Nyirihirwe Hilaire: Ugize Komite

Nkuko bigaragara muri iri tangazo, iyi komite yahawe inshingano zo:

1. Kunoza amategeko y’umuryango no kuyahuza n’itegeko rigenga imiryango itari iya Leta
2. Gushyiraho inzego z’umuryango ziteganywa n’amategeko
3. Gukurikirana umunsi ku wundi ibikorwa bya Rayon Sports FC
4. Gutegura imbonerahamwe ngengamikorere y’umuryango n’ibikorwa byawo
5. Gushyiraho uburyo buboneye bwo gukurikirana imikoreshereze y’umutungo w’umuryango
6. Gucunga umutungo w’umuryango mu gihe cy’inzibacyuho




Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Cristiano Ronaldo yakoze akandi gahigo gakomeye cyane ku isi

Rutahizamu wa Juventus, Cristiano Ronaldo,yamaze kuba uwa mbere ku isi...
21 January 2021 Yasuwe: 2830 0

Theo Walcott yavuze umukinnyi bakinannye abona yararushaga ubuhanga Thierry...

Umwongereza Theo Walcott ukinira ikipe ya Southampton ariko wamamaye muri...
20 January 2021 Yasuwe: 4462 0

Umukinnyi wakiniye Aston Villa yakatiwe igifungo cy’imyaka 2 azira gushyira...

Uwahoze ari myugariro wa Aston Villa witwa Antonio Luna ukomoka mu gihugu...
20 January 2021 Yasuwe: 4361 0

Muhadjiri yatowe mu ikipe y’abakinnyi 11 bitwaye neza ku munsi wa mbere...

Umunyarwanda ukina asatira izamu Hakizimana Muhadjiri, yaje mu ikipe...
20 January 2021 Yasuwe: 4486 0

KNC yategeye "Amavubi"akayabo kugira ngo azatsinde Maroc muri CHAN...

Umunyemari Kakoza Nkuriza Charles nyiri Radio na TV1 yatangaje ko yiteguye...
20 January 2021 Yasuwe: 5231 0

Neymar Jr aravugwa mu rukundo rw’ibanga n’umuhanzikazi ufite umwana...

Kizigenza wa PSG,Neymar Jr aravugwa mu rukundo n’umuhanzikazi wo muri...
20 January 2021 Yasuwe: 4432 0