Ku nshuro ye ya mbere,umutoza Ole Gunnar Solskjaer yafashije ikipe ya Manchester United gutsinda ikipe ya Manchester City mu mikino 2 ya shampiyona y’Ubwongereza mu mwaka umwe ,ibintu byaherukaga muri iyi kipe ubwo yatozwaga na Sir Alex Ferguson.

Sponsored Ad

Kuri iki cyumweru nibwo Manchester United yatsinze ibitego 2-0 Manchester City muri shampiyna bituma umutoza Ole Gunnar Solskjaer aba uwa mbere nyuma ya Ferguson, utsinze City inshuro 2 muri Shampiyona imwe ibintu byaherukaga muri 2010.

Ibitego bya Martial ku munota wa 37 n’icya McTominay mu minota y’inyongera byatumye Manchester United yuzuza umukino wa 3 itsinda City muri uyu mwaka w’imikino kuko no muri ½ cya Carabao Cup yayitsinze igitego 1-0 mu mukino wo kwishyura.

Solskjaer yabaye umutoza wa kabiri utsinze Guardiola inshuro 3 mu mwaka umwe bimufasha kwigarurira imitima y’abakunzi ba United.

Uyu mutoza yatangaje ko amakipe amuri imbere muri Premier League akwiriye kumwitega kuko ngo agiye gushaka umwanya wa 3 muri Premier League.

Mu mukino wa mbere wa Premier League,United yatsindiye City ku kibuga cyayo ibitego 2-1.