Ikipe ya Patriots BBC yashyize hanze urutonde rw’abakinnyi 13 izifashisha mu mikino ya BAL barimo umuraperi w’Umunyamerika, J. Cole wubatse izina rikomeye.

Sponsored Ad

Patriots BBC niyo izahagararira u Rwanda mu irushanwa rya Basketball Africa League rizabera i Kigali hagati ya tariki ya 16 n’iya 30 Gicurasi, yatangaje

Umunyamerika Brandon Costner, Prince Ibeh, Nshobobozwabyosenumukiza Jean Jacques Wilson na Kaje Elie nabo bari mu bakinnyi Patriots BBC izakoresha muri iri rushanwa.

Iyi kipe izatozwa n’Umunyamerika Alan Major yungirijwe na Emmanuel Mavomo na Benson Oluoch Ogolla.

Umutoza wongerera ingufu abakinnyi ni Omar Khanani, ushinzwe ubuzima bwa buri munsi bw’ikipe ni Claude Mukurarinda mu gihe umuganga ari Dr Tuyishime Jean-Claude.

Patriots BBC iri mu itsinda A hamwe na Rivers Hoopers yo muri Nigeria, US Monastir yo muri Tunizia na GNBC yo muri Madagascar.

Umukino wayo wa mbere ari nawo rukumbi uteganyijwe ku Cyumweru tariki ya 16 Gicurasi, uzayihuza na Rivers Hoopers guhera saa kumi. Izasubira mu kibuga tariki ya 19 Gicurasi ikina na GNBC mu gihe izasoreza kuri US Monastir nyuma y’iminsi itatu.

Amakipe 12 niyo agiye guhatana muri iri rushanwa rya BAL rizamara ibyumweru bibiri. Agabanyije mu matsinda 3. Itsinda rya mbere ririmo Patriotes yo mu Rwanda, Rivers Hoopers yo muri Nijeriya, US Monastir yo muri Tuniziya na Gendarmerie Nationale yo muri Madagascar.

Irya kabiri rigizwe na Petro de Luanda yo muri Angola, Forces Armées et Police yo muri Kameruni, AS Police yo muri Mali n’AS Salé yo muri Maroke. Mu itsinda rya 3 dusangamo Zamalek yo mu Misiri, Groupement Sportif des Petroliers yo muri Aljeriya, AS Douanes yo muri Senegali na Ferroviario de Maputo yo muri Mozambique.

Umukino wa mbere uzahuza Patriots Basketball Club yo mu Rwanda na Rivers Hoopers yo muri Nijeriya kuri iki cyumweru guhera i saa kumi zuzuye z’igicamunsi muri Kigali Arena i Remera.

Urutonde rw’abakinnyi Patriots BBC izakoresha muri BAL na nimero bazambara:

2. Mugabe Arstide
5. Sagamba Sedar
10. Gasana Sano
11. Wilson Nshobozwabyosenumukiza
12. Kenneth Gasana
14. Bush Wamukota
15. Jermaine Cole
22. Dieudonne Ndizeye
23. Steve Hagumintwari
24. Jean Paul Ndoli
32. Prince Ibeh
33. Brandon Costner
34. Elie Kaje