addresiya
Kigali
startimes

Paul Pogba yahishuye ikipe yakuze afana itari Manchester United akinira n’impamvu yivumbuye kuri Sir Alex Ferguson

Imyidagaduro   Yanditswe na: Dusingizimana Remy 15 April 2020 Yasuwe: 1928

Umukinnyi wa Manchester United n’Ubufaransa Paul Pogba yatangaje ko mu bwana bwe atafanaga Manchester United akinira ubu ngubu ahubwo yakundaga Arsenal we n’abavandimwe be kubera ko yakinagamo Abafaransa benshi bari barangajwe imbere na Thierry Henry.



Uyu mukinnyi umaze igihe mu mvune yatangarije ikinyamakuru cyibanda ku makuru ya Manchester United ko yakuze akunda Arsenal we na bamwe mu bavandimwe be kubera ko yarimo abafaransa benshi.

Yagize ati “Ndavugisha ukuri.Mu ntangiriro nari umufana wa Arsenal kubera abakinnyi b’Abafaransa bayikinagamo.Njye n’umuvandimwe wanjye twarayifanaga ariko undi muvandimwe wacu we yafanaga Manchester United.Nta kintu kintu navuga kuko nakundaga cyane Henry,kubera we nafanaga Arsenal.Nyuma naje guhindura nsanga umuvandimwe wanjye.Naretse Arsenal mfana United.”

Pogba yakuze mu ikipe ya Arsenal huzuyemo Abafaransa barimo abari bakomeye nka Emmanuel Petit, Robert Pires, Patrick Viera,Thierry Henry.

Pogba kandi yavuze impamvu yatumye ava muri Manchester United mu mwaka wa 2012 akerekeza muri Juventus ati “Wari umwanzuro ugoye kuri njye no ku mutoza wanjye ndetse n’ibijyanye n’amasezerano.Ntabwo byari ibijyanye n’amasezerano ahubwo n’icyizere nari mfitiwe na Alex Ferguson.

Pogba yavuze ko impamvu ikomeye yatumye ava muri Manchester United ari ukuntu Alex Ferguson yanze kumukinisha ku mukino wa Blackburn nyuma yo kumushyira muri 18 yarangiza akamwima umwanya wo gukina kandi abakinnyi bo hagati bose bari bavunitse.

Pogba yavuze ko uyu mutoza wabaye umunyabigwi ku isi yose yamusabye kwishyushya undi amara umwanya abikora gusa ngo byarangiye adahawe amahirwe yo kujya mu kibuga biramubabaza cyane bituma yiyemeza kugenda.

Pogba yavuze ko uwo mukino batsinzwe,Ferguson yabanje mu kibuga hagati Rafael na Park Ji-sung we aramwirengagiza ndetse amwima n’amahirwe yo gusimbura ariyo mpamvu yahisemo kujya gushakira umwanya ahandi ndetse biza kumuhira kuko yageze muri Juventus akitwara neza.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?
    Log in

    Amategeko n'amabwiriza birkurikizwa


Inzindi nkuru

Rutanga Eric yateye umugongo Rayon Sports yerekeza muri Police FC yamuhaye...

Ikipe ya Police FC yamaze gusinyisha uwari kapiteni w’ikipe ya Rayon Sports...
28 May 2020 Yasuwe: 1924 0

Fan Base ya Rayon Sports yatakarije icyizere Komite Nyobozi ya Munyakazi...

Ihuriro ry’amatsinda y’amatsinda y’abafana ba Rayon Sports “Fan base...
28 May 2020 Yasuwe: 1548 0

Abraham Kellly wari umunyamabanga wa Rayon Sports yeguye ku mirimo...

Uwari Umunyamabanga mukuru wa Rayon Sports, Abraham Kelly wari umaze amezi...
28 May 2020 Yasuwe: 1362 0

Umuvugizi wa Rayon Sports yamaze kwegura ku mirimo ye

Umuvugizi w’ikipe ya Rayon Sports,Nkurunziza Jean Paul,washyizweho na...
27 May 2020 Yasuwe: 3257 2

Bruno Fernandes yavuze amagambo asingiza bikabije Cristiano Ronaldo...

Umunya Portugal, Bruno Fernandes ukinira ikipe ya Manchester United...
27 May 2020 Yasuwe: 1094 0

RIB igiye gukora iperereza ku bibazo bya ruswa no kunyereza umutungo...

Urwego rw’igihugu rw’ubugezacyaha[RIB], rugiye gutangira iperereza ku birego...
27 May 2020 Yasuwe: 1789 0