Perezida Samia Suluhu Hassan wa Tanzania yatangaje ko ikipe y’igihugu cye Taifa Stars yakinnye umukino mwiza “uretse gusa ko amahirwe atabaye ku ruhande rwacu”.

Sponsored Ad

mu mukino wayo wa mbere muri iyi CAN, Tanzania yaraye itsinzwe na Maroc 3-0, Maroc iheruka mu gikombe cy’isi niyo n’ubundi yahabwaga amahirwe.

Mbere y’uyu mukino Perezida Samia, bakunze kwita Mama Samia, yahamagaye ikipe y’igihugu avugana n’abakinnyi abifuriza intsinzi no guserukira neza igihugu.

Gusa nyuma yo gutsindwa Taifa Stars ubu bivuze ko itarabona intsinzi na rimwe mu gikombe cya Africa imaze kwitabira gatatu, mu mikino irindwi yakinnye.

Nyuma y’umukino na Maroc, Perezida Samia yanditse ati: “Turakomeza kubifuriza ibyiza kandi igihugu kiri inyuma yanyu mu mikino yanyu izakurikiraho.”

Tanzania izasubira mu kibuga ku cyumweru ikina na Chipolopolo ya Zambia, kuri uwo munsi kandi muri iri tsinda F Les Leopards ya DR Congo izakina na Les Lions de l’Atlas ya Maroc.