startimes
Kigali
startimes

Perezida wa FC Barcelona yakuriye inzira ku murima abifuzaga kujyana Messi muri Juventus

Imyidagaduro   Yanditswe na: Dusingizimana Remy 6 July 2020 Yasuwe: 1114

Sponsored Ad


Perezida w’ikipe ya Barcelona yavuze ko Lionel Messi "azasoreza akazi ke n’umupira we muri Barcelona".

Josep Maria Bartomeu yahakanye amakuru yavugaga ko uyu rutahizamu ukomoka muri Argentine w’imyaka 33 adashaka kongera amasezerano.

Kontaro Messi afite ubu muri Barcelona izarangira mu mwaka utaha wa 2021.

Bartomeu yabwiye igitangazamakuru Movistar cyo muri Espagne ati:

"Turi kuganira n’abakinnyi benshi ariko Messi yadusobanuriye ko ashaka kuguma [hano]".

"Rero tugiye kunezezwa na we mu gihe kirekire kurushaho".

Bartomeu yavuze ibyo nyuma y’umukino w’ejo ku cyumweru wa shampiyona ya La Liga Barcelona yatsinzemo Villareal ibitego 4 - 1 ku kibuga cya Villareal.

Byayifashije kugabanya ikinyuranyo cy’amanota hagati yayo na Real Madrid iyoboye urutonde rw’agateganyo rwa shampiyona n’amanota 77, mu gihe Barcelona yo ifite 73.

Mbera yaho ku munsi w’ejo, penaliti ya Sergio Ramos yafashije Real kwivana hamana imbere ya Athletic Bilbao ku ntsinzi y’igitego 1 - 0.

Iyo penaliti yatanzwe nyuma yo kugenzura uburyo bw’amashusho ya ’camera’ yunganira umusifuzi buzwi nka ’VAR’. Ni mu gihe Bilbao yo yari yangiwe ubusabe bwa penaliti.

Ibyo byatumye Bartomeu agaragaza kudashira amakenga ugushyira mu gaciro kw’iryo koranabuhanga.

Yagize ati: "Nabonye uwo mukino wabereye kwa Bilbao kandi nubwo ntashaka kubivuga, ndabisubiramo ko VAR itarimo gukoreshwa uko byakagombye".

"Kuva umwaka w’imikino wasubukurwa nyuma y’amakuba ya Covid-19 ntabwo ikoreshwa mu buryo bungana, ibyo byagaragariye mu musaruro kandi bisa nkaho buri gihe ibera ikipe imwe".

Mu kumusubiza, umutoza Zinedine Zidane wa Real yavuze ko "arambiwe" no kumva intsinzi z’ikipe ye zinengwa.

Mu mpera z’icyumweru gishize nibwo hakwirakwiye amakuru avuga ko hari abagurisha abakinnyi bageze kure gahunda yo kugurisha Lionel Messi muri Juventus kugira ngo akinana na Cristiano Ronaldo.

Rivaldo wabaye kizigenza muri FC Barcelona,yahishuye ko Messi ashobora kwerekeza muri Juventus mu minsi iri imbere kubera ko arambiwe imikorere y’abayobozi ba FC Barcelona no kuba iyi kipe itakiri ku rwego rwo hejuru rwamufasha gutwara ibikombe bikomeye.

Amakuru avuga ko Messi arambiwe amakuru avuga ko ari we uyoboye iyi kipe ko ari we atanga akazi kandi akirukana abatoza, ko ari we utanga amategeko mu bijyanye no kugura abakinnyi kandi ko ari we uhitamo abakina,

Amakuru avuga ko Messi arambiwe amakosa yisubiramo y’abayobozi ba FC Barcelona muri rusange kubera amakosa bakora mu kugura abakinyi biganjemo abari ku rwego rwo hasi baza ntibatange umusaruro.

Ikiganiro cya Radio El Larguero kivuga ko uyu mukinyi yamaze kumenyesha iyi kipeko umwaka w’imikino utaha nurangira azahita yigendera.

Author : Dusingizimana Remy

Dusingizimana Remy is a journalist for Umuryango.rw. He studied at the University of Rwanda.He holds a Bachelor’s degree in Journalism and Communication. He started his career in writing about sports in 2015.Follow him on Twitter and Instagram @REMY SAGAN

Ibitecyerezo

  • Who are you?

    Amategeko n'amabwiriza birkurikizwa


Inzindi nkuru

Rutahizamu wa Wolves yasekeje benshi kubera agashya yakoze mbere y’umukino...

Rutahizamu wa Wolves witwa Adama Traore yatunguye benshi ubwo mbere...
7 August 2020 Yasuwe: 1624 0

Zinedine Zidane yavuze impamvu idasanzwe yatumye akura Gareth Bale mu...

Umutoza wa Real Madrid,Zinedine Zidane yatangaje ko yakuye rutahizamu wa...
7 August 2020 Yasuwe: 1892 0

Muhadjiri yahishuye impamvu yateye umugongo Rayon Sports bari bumvikanye...

Rutahizamu Hakizimana Muhadjiri wamaze gusinyira AS Kigali yatangaje ko...
6 August 2020 Yasuwe: 3436 0

Muhadjiri yateye umugongo Rayon Sports asinyira AS Kigali

Rutahizamu HAKIZIMANA Muhadjiri wari utegerejwe cyane n’abakunzi ba Rayon...
6 August 2020 Yasuwe: 1102 0

Aubameyang yemeye kongera amasezerano nyuma yo kumva ko Arsenal igiye...

Rutahizamu akaba na kapiteni wa Arsenal,Pierre-Emerick Aubameyang yemeye...
6 August 2020 Yasuwe: 3770 0

FERWAFA yashyize hanze igihe imikino mu byiciro byose izatangirira n’igihe...

Ishyirahamwe ry’umupira w’amaguru mu Rwanda FERWAFA ryatangaje ko shampiyona...
6 August 2020 Yasuwe: 1480 0