Perezida wa Senegal Macky Sall,kuri uyu wa kabiri yahaye ibihembo abakinnyi b’ikipe y’igihugu y’umupira w’amaguru baheruka kwegukana igikombe cya CAN ku cyumweru gishize.
Perezida Sall,yahaye buri mukinnyi wese ibihumbi 87 by’amadolari bk’ishimwe hanyuma abongereraho ibibanza mu murwa mukuru Dakar no mu mu mujyi byegeranye wa Diamniadio.
Ibi byabereye ku ngoro ya perezida, mu murwa mukuru Dakar, ahari hakoraniye uruvunganzoka rw’abakunzi b’ikipe y’igihugu.
Perezida yavuze ko yababajwe n’abantu (...)

Sponsored Ad

Perezida wa Senegal Macky Sall,kuri uyu wa kabiri yahaye ibihembo abakinnyi b’ikipe y’igihugu y’umupira w’amaguru baheruka kwegukana igikombe cya CAN ku cyumweru gishize.

Perezida Sall,yahaye buri mukinnyi wese ibihumbi 87 by’amadolari bk’ishimwe hanyuma abongereraho ibibanza mu murwa mukuru Dakar no mu mu mujyi byegeranye wa Diamniadio.

Ibi byabereye ku ngoro ya perezida, mu murwa mukuru Dakar, ahari hakoraniye uruvunganzoka rw’abakunzi b’ikipe y’igihugu.

Perezida yavuze ko yababajwe n’abantu batatu bapfuye bari mu mbaga y’abarimo kwishimira iyo ntsinzi.

Perezida yasabye umutoza w’ikipe ya Senegal, Aliou Cisse gukomeza intsinzi akabageza mu mikino ya nyuma y’igikombe cy’isi kizzbera muri Qatar muri uyu mwaka wa 2022.

Mu mabara atandukanye y’ibendera rya Sénégal, abafana bari bafite ibikoresho bitandukanye byo gufana bishimira ibyo ikipe yabo yagezeho bari benshi ku mihanda yo mu Mujyi wa Dakar, bamwe bahitamo kwicara hejuru y’imodoka no kurira inyubako ndende kugira ngo hatagira ikibaca mu jisho.

Perezida Macky Sall ni umwe muri benshi bagiye kwakira Lions de la Teranga ku kibuga cy’indege, aho yashyikirijwe igikombe na Kapiteni w’iyi Kipe, Kalidou Koulibaly, ari kumwe n’umutoza Aliou Cissé.

Ikipe y’Igihugu ya Senegal y’umupira w’amaguru yegukanye igikombe cy’Afrika cy’ibihugu Ku cyumweru gishize, nyuma yo gutsinda ikipe ya Misiri Penaliti 4-2,nyuma y’aho iminota 120 irangiye banganya 0-0.

Iminota 120 yaranzwe no guhangana gukomeye kw’amakipe yombi yanganyije 0-0, gusa Senegal yagaragaje imbaraga nyinshi mu mukino,niyo amahirwe yasekeye kuri penaliti.

Ikipe ya Misiri yishingikirije ku buhanga buhanitse bw’umuzamu wayo,Mohamed Gabaski wakuyemo amashoti menshi ya Senegal abageze mu minota 30 y’inyongera ku nshuro ya kane bikurikiranya muri iki gikombe.

Senegal yatwaye iki gikombe igikwiye,kuko yari igeze ku mukino wa nyuma ku nshuro ya gatatu gusa yatsinzwe mu mikino ya nyuma ya 2002 na 2019.