Kuri uyu wa Gatandatu tariki ya 01 Gicurasi 2021 nibwo hatangiye shampiyona y’u Rwanda 2020/2021 igiye gukinwa mu buryo bwihariye mu matsinda kubera gutinda kwatewe n’icyorezo cya Covid-19.

Sponsored Ad

Umukino wabimburiye indi n’uwo mu itsinda B wahuje Kiyovu Sports yari yasuye Rutsiro FC birangira itsinzwe ibitego 2-1.

Kiyovu Sports yakinnye uyu mukino idafite rutahizamu Babuwa Samson, yafunguye amazamu ku munota wa 7 ibifashijwemo na Saba Robert kuri penaliti. Iki gitego cyaje kwishyurwa na Ndarusanze Jean Claude kuri penaliti ku munota wa 12.Uwatsindiye Rutsiro FC ku munota wa 79 gitsinzwe na Hatangimana Eric.

Mu yindi mikino yabaye kuri uyu wa Gatandatu mu itsinda C,Musanze FC yanyagiriwe ku kibuga cyayo na AS KIGALI ibitego 4-2.

AS Kigali niyo yafunguye amazamu ku munota wa 5 ibifashijwemo na Shaban Hussein Tchabalala hanyuma Onesme Twizerimana yishyurira Musanze ku munota wa 7.

Mu gice cya kabiri,AS Kigali yashyizemo ibindi 3 birimo icya ku munota wa 55 kuri Coup Franc,Tchabalala ashyiramo ikindi ku munota wa 82 mu gihe Muhadjili Hakizimana yashyize agashinguracumu ku munota wa 90.Impozamarira ya 2 ya Musanze yatsinzwe na Mussa Ally Sova ku munota wa 90.

Muri iri tsinda kandi,Police FC yanyagiye ibitego 5-1 Etincelles FC byatsinzwe na Osee Iyabivuze,Ntwari Evode watsinze 2,Aimé na Obed mu gihe Etincelles yatsindiwe na Hassan.

Mu itsinda D Mukura VS yanganyije igitego 1-1 na Sunrise FC.Muniru Abdul yatsindiye Mukura mu gihe Leon Uwambabazi yatsindiye Sunrise FC.Marines yatsinzwe 1-0 na Espoir FC.